Izmır ákimshiliginde sybaılas jemqorlyq isi boıynsha 126 adam qamaýǵa alyndy
ASTANA. KAZINFORM - Izmırde sybaılas jemqorlyqqa qarsy iri operatsııanyń nátıjesinde túrik polıtseıleri 126 adamdy ustady. Olardyń arasynda qalalyq ákimdiktiń burynǵy jáne qazirgi qyzmetkerleri, mýnıtsıpaldy kompanııalardyń qyzmetkerleri men merdiger uıymdardyń ókilderi bar, dep habarlaıdy Kazinform tilshisi.
Belgili bolǵandaı, jedel-tergeý sharalary qalalyq jobalardy júzege asyrýda iri kólemdegi qarjylyq buzýshylyqtar faktisi boıynsha júrgizilgen.
Izmır prokýratýrasy jergilikti memlekettik organdarda memlekettik satyp alýlar salasyndaǵy teris paıdalaný, bıýdjet qarajatyn maqsatsyz paıdalaný jáne tender rásimderin burmalaý belgileri anyqtalǵanyn habarlady. Kúdiktilerge Qylmystyq kodeks boıynsha tenderlerdiń tutastyǵyna men memlekettik bıýdjetke zalal keltiretin qylmystyq shemaǵa qatysý baptary boıynsha aıyp taǵyldy.
Aldyn ala málimet boıynsha, áńgime 280 mıllıon túrik lırasynan (shamamen 7 mıllıard dollar) asatyn somalar týraly bolyp otyr. Tergeý 2021-2024 jyldar aralyǵyn qamtıdy, ol kezde qalada İZBETON A.Ş. kommýnaldyq kásipornynyń qatysýymen aýqymdy ınfraqurylymdyq jáne áleýmettik jobalar júzege asyrylǵan.
Ustalǵan 126 adamnyń arasynda Izmırdiń burynǵy meri Týnch Soıer, qalalyq ákimdikke qarasty mekemelerdiń burynǵy basshylary, sondaı-aq qala úkimetiniń qazirgi ókilderi bar. Tergeý aıasynda 300-den astam mekenjaıda tintý júrgizilip, qujattar men tsıfrlyq saqtaý quraldary tárkilendi.
Prokýratýra ókilderi tergeý jumystary zań aıasynda qatań túrde júrgizilip jatqanyn aıtty.
- Biz tek zań aıasynda áreket etemiz. Qyzmetine qaramastan, sybaılas jemqorlyqqa qatysy bar degen kúdiktilerdiń barlyǵy jaýapqa tartylýy kerek, - delingen vedomstvonyń resmı habarlamasynda.
Bul rette músheleri tergeýde jatqan oppozıtsııalyq Respýblıkalyq halyq partııasy (RHP) tergeýdiń ashyqtyǵyn qamtamasyz etý qajettigin jáne sot tóreligin saıası qural retinde paıdalanýǵa jol berilmeıtinin málimdedi.
- Biz sybaılas jemqorlyqpen kúresýdi jaqtaımyz, biraq biz zań ústemdigi men ádil sot prıntsıpterin saqtaýǵa shaqyramyz, - dep atap ótti partııanyń baspasóz qyzmeti.
Kúdiktilerden jaýap alý jalǵasyp jatyr. Aldyn alý sharasyn tańdaý týraly sheshim jaqyn kúnderi qabyldanady. Quqyq qorǵaý organdarynyń málimetinshe, is boıynsha aıyptalýshylardyń sany artýy múmkin.