IJTM-niń geologııa jáne jer qoınaýyn paıdalanýdy basqarý júıesine ózgertýler engiziledi - Á.Isekeshev
ANA. 27 maýsym. QazAqparat - Geologııa jáne jer qoınaýyn paıdalanýdy basqarý júıesine ózgertýler engizilmek.
Indýstrııa jáne jańa tehnologııalar mınıstrliginde bolǵan keńeste Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshev osyndaı málimdeme jasady. Áset Isekeshevtiń aıtýynsha, vedomstvoda osyǵan oraı birqatar taǵaıyndaýlar jasalyp ta qoıyldy.
Sońǵy rotatsııalardyń qatarynda - Geologııa jáne jer qoınaýyn paıdalaný komıtetiniń tóraǵasy mindetin atqarýshy etip Bekzada Turǵanbaevtyń taǵaıyndalýy, «QazGeoInform» geologııalyq málimetter ortalyǵynyń jańa basshysy bolyp Sáýle Orazaevanyń taǵaıyndalýy bar.
Vıtse-premerdiń aıtýynsha, bul baǵyttaǵy jumystar Elbasynyń atalmysh saladaǵy ákimshilik jumystardy keshendi jaqsartý týraly tapsyrmalaryn oryndaý maqsatynda júrgizilip jatyr.
