IJTM Geologııa jáne jer qoınaýyn paıdalaný komıteti tóraǵasynyń burynǵy orynbasary ustaldy - Qarjy polıtsııasy
ASTANA. 5 aqpan. QazAqparat - Qarjy polıtsııasy agenttigi QR Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıteti tóraǵasynyń burynǵy orynbasaryn ustady,
dep habarlady atalmysh vedomostvonyń baspasóz qyzmeti.
2012 jylǵy 15 qazanda Qarjy polıtsııasy agenttigi Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıtetiniń «Vostkaznedra» Shyǵys Qazaqstandyq aımaqaralyq aýdandyq departamentiniń laýazymdy tulǵalary men «Geologııalyq barlaý kompanııasy «Topaz» JShS-niń basshylyǵyna qatysty Qazaqstan men Qytaıdyń shekaralyq aýmaqtarynyń geologııalyq qurylymyn keshendi zertteýdiń geologııalyq jáne mıneragenıkalyq kartalaryn jasaýǵa bólingen 40 mln. teńge bıýdjet qarajatyn 2009-2011 jyldar aralyǵynda urlaý faktisi boıynsha qylmystyq is qozǵady.
Tergeý barysynda atalǵan qylmysqa Indýstrııa jáne mıneraldy resýrstar mınıstrligi (qazir Indýstrııa jáne jańa tehnologııalyr mınıstrligi) Geologııa jáne jer qoınaýyn paıdalaný komıteti tóraǵasynyń burynǵy orynbasary M.Saıdýaqasovtyń qatystylyǵy anyqtaldy. Ol 28 qańtarda ustalyp, oǵan bıýdjet qarajatyn urlaý jáne qyzmettik ókilettikterin teris paıdalaný faktileri boıynsha aıyp taǵyldy.
Aqpanda Saıdýaqasov sot sanktsııasymen qamaýǵa alyndy.
Qylmystyq is tergelýde, ózge aqparat tergeý múddesine baılanysty jarııalanbaıdy.
