IJTM birlesken ǵylym jáne bıznes jobalaryna arnalǵan jańa grant túrlerin ázirlep jatyr
ASTANA. 22 tamyz. QazAqparat - Indýstrııa mınıstrligi ǵylymı-zertteý jobalaryn tájirıbelik turǵydan iske asyrýǵa arnalǵan jańa grant túrin ázirlep jatyr. Bul týraly Bilim jáne ǵylym mınıstrliginiń keńeıtilgen alqa májilisinde QR Indýstrııa jáne jańa tehnologııalar vıtse-mınıstri Baqytjan Jaqsalıev málim etti.
«Búgingi tańda memleket zertteýlerge qarjy bólse, kásipkerlik salasy ǵylymı usynystardy qaraýǵa daıyn. Sondyqtan, jobalardy iske asyrý úshin birlesip jumys isteý mehanızmderin ázirleýimiz qajet. Qazirgi kezde maqsatty tehnologııalyq baǵdarlamalarǵa jańa grant túrin qurý máselesi pysyqtalyp jatyr. Onyń qanatqaqty jobasyn 2014 jyly iske qosý josparlanǵan», - delingen primeminister.kz saıtynda.
Onyń aıtýynsha, maqsatty tehnologııalyq baǵdarlamalar - ǵylym men bıznestiń ózara is-qımylynyń jańa mehanızmi, ol memlekettik-jekemenshik áriptestik qaǵıdasy boıynsha iske asyrylady.
«Ǵylym bıznesten tájirıbe júrgizetin polıgon men jabdyqtar alady, bıznes - óz óndirisinde jumys isteıtin ǵylymmen úzdiksiz baılanysta bolady jáne qarjylaı táýekelderdiń bir bóligin moınyna alady, al memleket jeke tehnologııalary men kadrlaryn daıyndaıdy», - deıdi B.Jaqsalıev.
