IJT mınıstrligi tehnıkalyq reglament talaptaryn buzǵan sýbektilerge 45 mln. teńgeden astam aıyppul saldy
ASTANA. 14 qyrkúıek. QazAqparat - Indýstrııa jáne jańa tehnologııalar mınıstrligi tehnıkalyq retteý jáne metrologııa komıteti
2012 jyldyń 8 aıynda elimizdegi túrli menshik ıeligindegi sharýashylyq sýbektileriniń tehnıkalyq reglament talaptarynyń saqtalýy jáne ólshem quraldarynyń qoldanylýy jaǵdaıyna oraı 3854 tekseristi júzege asyrdy. Nátıjesinde 1 987 jaǵdaıda nemese tekserilgen sýbektilerdiń 51 paıyzynda buzýshylyqtar anyqtaldy. Olar 45 mln. 223 myń 560 teńge shamasynda ákimshilik jaýapkershilikke tartyldy. Bul týraly vedomstvonyń baspasóz qyzmetinin habarlandy.
Atap aıtqanda, Qazaqstannyń Memlekettik ólshem quraldary Reestrine engizilmegen jáne tekserilmegen 5 544 birliktegi ólshem quraldaryn paıdalanýǵa tyıym salyndy. Al tekserýdiń barlyq túrleri boıynsha sapasy qanaǵattandyrylmaǵan, sertıfıkattaýdan ótpegen 1 mlrd. 587 mln. teńgeden astamdy quraıtyn ártúrli 5235 ónimder partııasyn satýdyń joly kesildi.
«Tekserister barysynda anyqtalǵan zań buzýshylyqtar negizinen mindetti sertıfıkattaýǵa jatatyn ónimderdi sertıfıkatsyz satýǵa jáne taýarlardyń tehnıkalyq reglamentter talabyna saı kelmeýine baılanysty bolyp tabylady», - delingen baspasóz aıǵaǵynda.
