ІJÓ jóninde Japonııany basyp ozǵan Qytaı álemde ekinshi orynǵa shyqty
ASTANA. Tamyzdyń 16-sy. QazAqparat - Ótken toqsannyń qorytyndysy boıynsha ekonomıka kólemi boıynsha Japonııany basyp ozyp, AQSh-tan keıingi ekinshi oryndy ıelendi. Úkimettik esep málimetterine qaraǵanda, Japonııa ekonomıkasynyń nomınaldyq kólemi maýsymdyq terbelister men basqa da faktorlardy esepke almaǵanda ІІ toqsannyń qorytyndysy boıynsha 1,286 trıllıon dollardy qurady. Al Qytaıdyń ІJÓ kólemi osy kezeńde 1,335 trıllıon dollarǵa jetti, dep habarlaıdy RBK.
Taldaýshylardyń aıtýynsha, mundaı jaǵdaı budan buryn da tirkelgen, biraq osy joly Qytaı óz pozıtsııasynan aıyryla qoımaıdy. Al sarapshylar bolsa aǵymdaǵy jyldyń sońyna qaraı Qytaı ekonomıkasy kólemi jaǵynan Japonııany basyp ozady degen boljam aıtqan bolatyn. Olardyń pikirine qaraǵanda, Qytaı ІJÓ jylyna ortasha eseppen alǵanda 10%-ǵa ósip otyrsa, Japonııanyń ІJÓ bıylǵy jyly bar bolǵany 2-3%-ǵa ǵana ósýi tıis.
