ІJÓ 6,8 paıyzǵa ósti - Statıstıka agenttigi
ASTANA. 14 qazan. QazAqparat /Arman Asqarov/ - 2011 jyly qańtar-qyrkúıek aılarynda elimizdiń ishki jalpy ónimniń kólemi 6,8 paıyzdy qurady. Bul týraly búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaılov málim etti.
Agenttik tóraǵasy atap kórsetkendeı, osy ýaqyt aralyǵynda aýyl sharýashylyǵy jalpy óniminiń kólemi 1453,7 mlrd. teńgege artyp, 2010 jylǵy qańtar-qyrkúıek aılarymen salystyrǵanda, 11 paıyzǵa ulǵaıdy. Syrtqy saýda aınalymy 79668,4 mln. AQSh dollaryn qurap, 2010 jylǵy qańtar-tamyzben salystyrǵanda 38% ósti, onyń ishinde eksport - 56707,5 mln. AQSh dollar (45,6% ósti), ımport - 22960,8 mln. AQSh dollaryn qurady (22,3% ósti). «Osy jáne basqa da ekonomıkalyq kórsetkishterdiń nátıjesinde elimizdegi ishki jalpy ónimniń kólemi 6,8 paıyzdy qurady. Buǵan deıin Úkimet basshysy Kárim Másimov atap kórsetkendeı, boljam boıynsha bul kórsetkish 7 paıyzǵa óspek», - deıdi Á.Smaılov.
