Іzgi nıettilik Qazaqstandaǵy saılaý naýqanyn basqa elderden erekshelendirip tur – R. Lýddıng
ALMATY. QazAqparat - Qazaqstandaǵy saılaý naýqany barlyq normalarǵa saı ótkizilip jatyr. Saılaý ýchaskelerinde qýanyshty kóńil-kúı seziledi. Menińshe, óziniń izgi nıettiligi - Qazaqstandaǵy saılaý naýqanyn basqa elderden erekshelendirip turady.
Búgin Almatyda QR Parlamenti Májilisi men ár túrli deńgeıdegi máslıhattar depýtattarynyń saılaýyna qatysty ótken baspasóz máslıhaty barysynda halyqaralyq baqylaýshy, Nıderlandy Advokattary qaýymdastyǵynyń múshesi Robert Lýddıng osylaı dedi.
Onyń aıtýynsha, Gollandııada saılaý naýqany barysynda munshalyqty qýanyshty sezim baıqalmaıdy.
«Gollandııa dástúrli eski demokratııany ustanatyn el. Biraq, bizde kóptegen adamdar saılaý ýchaskelerine amaldyń joqtyǵynan baratyn sııaqty. Olar daýys berýden jalyqqan. Al Qazaqstanda olaı emes. Biz búgin Almaty qalasynyń onnan astam saılaý ýchaskelerin aralap, adamdarmen tildestik. Sonda baıqaǵanymyz, adamdar saılaý ýchaskelerine kelip, daýys berip jatqanyna óte rıza, sondaı bir baqytty sııaqty kórinedi. Barlyq saılaý ýaskelerinde óte jaǵymdy áýender estilip tur. Al tehnıkalyq turǵydan alyp qaraǵanda saılaý barlyq normalarǵa saı ótip jatyr. Bizdiń taraptan eshqandaı zań buzýshylyq áreketter tirkelgen joq», - dedi R. Lýddıng.
