Іzdeýde júrgen reseılik Qazaqstan shekarasyn zańsyz kesip ótken

NUR-SULTAN. QazAqparat –Kólik polıtseıleri elimizdiń memlekettik shekarasyn júk poıyzymen zańsyz kesip ótken 51 jastaǵy reseılik azamatty ustady, dep habarlaıdy QazAqparat.

«Bıylǵy 15 mamyrda Petropavl stantsııasynda jedel-aldyn alý is-sharasyn ótkizý barysynda kólik polıtseıleri Reseı Federatsııasynyń 51 jastaǵy azamatyn anyqtap, ustady», - dedi QR ІІM Kóliktegi polıtsııa departamentiniń bastyǵy Ońal Bekeev.

Onyń aıtýynsha, er adam Reseı Federatsııasynyń aýmaǵynan shekara beketterin aınalyp ótip, bizdiń elimizdiń aýmaǵyna júk poıyzy arqyly kirgen. Osylaısha, Qazaqstan Respýblıkasynyń Memlekettik shekarasyn zańsyz kesip ótken.

Atalǵan fakti QR QK-niń 392-baby 1-bóligi boıynsha (Qazaqstan Respýblıkasynyń Memlekettik shekarasyn qasaqana zańsyz kesip ótý) Sotqa deıingi tergep tekserýdiń biryńǵaı tizilimine engizildi.

«Tekseris barysynda ustalǵan azamattyń osy jyldyń sáýir aıynan bastap RF QK 166-babynyń 1-bóliginde kózdelgen qylmys belgileri boıynsha memleketaralyq izdestirýde ekeni anyqtaldy. Іzdestirý bastamashysy - RF Іshki ister mınıstrliginiń Chelıabi oblysy boıynsha memlekettik mekemesi.Qazirgi ýaqytta tergeý jumystary júrgizilýde», - dedi O.Bekeev.