Іzdeýde júrgen Óskemenniń burynǵy sheneýnigi Shymkentte ustaldy
ASTANA. 17 qazan. QazAqparat - Aǵymdaǵy jylǵy 5 qazanda Shymkent qalasynda bıýdjet qarajatyn urlady degen aıyppen izdeýge jarııalanǵan Óskemen qalasy ákimdiginiń Ekonomıka jáne bıýdjettik josparlaý bóliminiń burynǵy bastyǵy Janet Nurlan ustaldy.
Oǵan jaqyn týysy - «Kontgrýpp» kompanııalar tobynyń dırektory Qurmanbekovpen birge alaıaqtyq jolmen «Nurly kósh» baǵdarlamasy boıynsha birpáterli úılerdi salýǵa bólingen 156 mln.teńge bıýdjet qarajatyn urlady degen aıyp taǵylýda.
Tergeý materıaldaryna sáıkes Nurlan men Qurmanbekovtyń zańsyz áreketteriniń nátıjesinde 298 birpáterli úı sapasyz salynǵan, qoldanylǵan qurylys materıaldarynyń bir bóligi jobalyq-smetalyq qujattamaǵa sáıkes kelmeıdi jáne jóndeýdi nemese aýystyrýdy qajet etedi.
Aǵymdaǵy jylǵy 27 mamyrda Nurlan men Qurmanbekov izdeýge jarııalandy.
2013 jylǵy 11 qazanda Nurlan Shymkent qalasynan Óskemen qalasyna ákelinip, Shyǵys Qazaqstan oblysynyń ІІD tergeý abaqtysyna toǵytyldy.
Keltirilgen zalaldy óteý maqsatynda Qurmanbekov pen Nurlannyń kelesi múlkine shekteýler qoıyldy: «Toıota Lend Krýzer 200» jáne VAZ 21065 avtokólikteri, Shymkent qalasyndaǵy 7 jer ýchaskesi, Saıram kentindegi 2 jer ýchaskesi jáne Shymkent qalasyndaǵy 2 jeke úı.
Qylmystyq is tergelýde, nátıjeleri jurtshylyqqa jetkiziletin bolady.
