Іzdeýde júrgen qyrǵyzstandyq Almatyda tonaýshy bolǵan
ALMATY. QazAqparat - Іzdeýde júrgen Qyrǵyzstan azamaty Almatyda páter tonaýmen aınalysqan. Bul týraly qalalyq Polıtsııa departamentiniń baspasóz qyzmeti aıtty, dep habarlaıdy QazAqparat tilshisi.
«Ońaı oljaǵa úırenip qalǵan adam Qyrǵyzstandaǵy «kásibin» Almatyda da jalǵastyrǵan. Ol kúndiz dúkenshi áıeldi baqylap júrgen. Satýshynyń jalǵyz qalǵanyn paıdalanǵan kúdikti birden áıeldi býyndyryp, taldyryp tastaǵan. Alaıda kassada aqsha bolmaǵan, ury áıeldiń telefonyn alyp ketken», - dedi Almaly aýdandyq polıtsııa basqarmasynyń basshysy Danııar Mendebaev.
Jedel tergeý jumystarynyń arqasynda kúdikti kóp uzamaı ustaldy. Atalǵan derekke baılanysty QR QK 192-baby boıynsha sotqa deıingi tergeý bastaldy.
Dúkenshi áıel esin jıdy. Onyń densaýlyǵyna zaqym kelmegen.
«Kúdiktiniń buǵan deıin de Medeý aýdanynda qylmys jasaǵanyn anyqtadyq. Bul kisini tanyǵan, onyń áreketinen japa shekken adam bolsa, 254-46-12; 254-46-01 jáne 102 nómirlerine habarlasýyn suraımyz», - dedi podpolkovnık Mendebaev.
