Іzdeýde júrgen qylmysker Birikken Arab Ámirlikterinde quryqtaldy
ASTANA. 31 mamyr. QazAqparat - Ústimizdegi jyldyń 29 mamyrynda Birikken Arab Ámirlikterindegi Abý-Dabı qalasynda Interpol qyzmetkerleri Qarjy polıtsııasy agenttiginiń izdestirý tapsyrmasy boıynsha «Áýlıe Talǵat» degen laqap aty bar UQT kóshbasshysy Talǵat Qaıyrbaevty ustady.
Bul týraly QR Qarjy polıtsııasy agenttiginiń baspasóz ortalyǵy habarlady.
Baspasóz qyzmetiniń taratqan málimetine sáıkes, Talǵat Qaıyrbaev UQT quryp, oǵan basshylyq jasaǵany jáne «Qorǵas», «Qaljat» keden beketterinde uzaq ýaqyt boıyna ekonomıkalyq kontrabanda jasaýmen aınalysqany úshin izdeý jarııalanyp, qylmystyq qýdalaýdan qashyp júrgen.
Qazirgi ýaqytta Agenttik Qazaqstan Respýblıkasynyń Bas prokýratýrasy arqyly Qaıyrbaevty Qazaqstanǵa ekstradıtsııalaý alǵysharttaryn júzege asyrýda.
