Іzdeýde júrgen eki sheteldik Astana jáne Almaty áýejaılarynda ustaldy
ASTANA. QazAqparat - Búgin kólik polıtseıleri shekara qyzmetimen birlesip «Tbılısı-Astana» baǵytyndaǵy áýe reısi ushyp kelisimen 42 jastaǵy Grýzııa azamatyn ustady, dep habarlaıdy QazAqparat.
Oǵan 2021 jyldyń qyrkúıeginde Reseı Federatsııasynyń Irkýtsk aýdandyq sotynyń qaýlysymen RF Qylmystyq kodeksiniń 264-babynyń 5-bóligi, ıaǵnı eki nemese odan da kóp adamnyń abaısyzda ólimine ákep soqtyrǵan jol qozǵalysy men kólik quraldaryn paıdalaný erejelerin buzý boıynsha qylmys jasaǵany úshin memleketaralyq izdeý jarııalanǵan.
Dál osy kúni halyqaralyq izdeýde júrgen taǵy bir adam «Almaty-Máskeý» baǵytyndaǵy áýe reısine tirkelý kezinde ustaldy.
Kúdikti Ózbekstan Respýblıkasy Qylmystyq kodeksiniń 168-babynyń 1-bóligi, ıaǵnı alaıaqtyq boıynsha halyqaralyq izdeýde bolǵan.
Kólik polıtsııasy departamentiniń málimetinshe, qazirgi ýaqytta ustalǵan azamattar ýaqytsha ustaý ızolıatoryna qamalǵan.
