Іzdeýde júrgen 78 qylmysker ustaldy – ІІM

NUR-SULTAN. QazAqparat – Bir apta ishinde elimizdiń aýmaǵynda 3 307 qylmys jasaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Bir apta ishinde 3 307 qylmys jasaldy, onyń 2 207-si táýlik ishinde ashyldy. Polıtsııa qyzmetkerleri «izin sýytpaı» 11 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 34 qaraqshylyq pen tonaýdy jáne 511 bóten múlikti urlaý qylmystaryn ashty», - dedi Nurdildá Oraz.

Sonymen qatar resmı ókildiń atap ótýinshe, bir apta ishinde jedel aldyn alý is-sharalary barysyna izdeýde júrgen 78 qylmysker ustaldy.