Іzdeýde júrgen 17 jastaǵy qyz Almatydaǵy prıtondardyń birinen tabyldy
ALMATY. QazAqparat - Іz-túzsiz joǵalyp ketken 17 jastaǵy boıjetken Almatydaǵy prıtondardyń birinen tabyldy. Sondaı-aq, boıjetkendi prıtonda jynystyq qyzmet kórsetýge májbúrlegen kúdiktiler ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, osy qylmystyq oqıǵa boıynsha 2 kúdikti QR QK 134-baby boıynsha qylmystyq jaýapkershilikke tartyldy.
Jalpy Almaty ІІD Uıymdasqan qylmyspen kúres basqarmasy byltyr QR QK 128-baby boıynsha 1 adam saýdasy, QR QK 125-baby boıynsha 8 adam urlaý oqıǵasyn anyqtaǵan.
«Júrgizilgen keshendi jumystardyń nátıjesinde 37 jeńgetaılyqpen aınalysý, 19 jynystyq qatynasqa májbúrleý faktisi anyqtalǵan. Olardyń ishinde 2 qyz kámelettik jasqa tolmaǵan. Jergilikti polıtsııa qyzmeti QR QK 450-baby boıynsha 169 tulǵany qylmystyq jaýapkershilikke, sondaı-aq 238 adamdy qoǵamdyq oryndarda teris qylyq jasaǵany úshin ákimshilik jaýapkershilikke tartty», - dedi qalalyq ІІD basqarma basshysy Berik Ábilbekov.
