Іzdeýde bolǵan sottalýshy OQO meshitinde ustaldy
ASTANA. QazAqparat - 12 qyrkúıek kúni «Alternatıvnık» jedel-aldyn-alý sharalarynyń alǵashqy kúninde bıylǵy qańtar aıynan beri izdeýde bolǵan sottalýshy Ońtústik Qazaqstan oblysy Maqtaaral aýdanyndaǵy meshitterdiń birinen ustaldy.
Bul týraly ІІM Qylmystyq-atqarý júıesi komıtetiniń baspasóz qyzmeti habarlady.
«QAJ probatsııa qyzmetiniń qyzmetkerleri jergilikti polıtsııa qyzmetimen birlesip, úsh myńnan astam shartty túrde sottalǵandarǵa turǵylyqty jeri boıynsha tekserý júrgizip, 30-dan astam jaza óteý tártibiniń buzylýyn anyqtady», - dedi respýblıkalyq penıtentsıarlyq júıe mekemesi.
«Saryaǵash aýdandyq ІІB krımınaldy polıtsııa qyzmetkerleri nátıjeli jumys atqardy. Olar QAJ qyzmetkerlerimen birigip, 2016 jylǵy qańtar aıynda izdeý jarııalanǵan 19 jastaǵy sottalýshyny (1 jylǵa shartty túrde, urlyq úshin) ustady. Ol Qurban Aıt merekesin toılaý úshin meshitke barǵanda ustaldy», dedi mekeme.
«Alternatıvnık» respýblıkalyq jedel-aldyn alý sharasy 12 qyrkúıekte bastaldy, negizgi maqsaty - bas bostandyǵynan aıyrýsyz jaýapqa tartylǵan tulǵalar tarapynan quqyq buzýshylyqtardyń qaıtalanýynyń aldyn alý, - dedi QR ІІM QAJ Komıteti.
