Іzdeýde bolǵan sottalýshy Almatynyń kólik jýý ornynda ustaldy
ASTANA. QazAqparat - QAJ anyqtaý qyzmeti polıtsııanyń ýchaskelik ınspektorlarymen «Alternatıvnık» respýblıkalyq aldyn alý sharasynyń aıasyndaǵy belsendi ózara árekettesýi jazasyn bas bostandyǵynan aıyrý oryndarynda óteýden jaltarǵan sottalýshylardy izdeý jumystarynyń oń nátıjelerin kórsetip otyr, dep habarlady QR ІІM QAJ Komıtetiniń baspasóz qyzmetinen.
«Keshe keshki ýaqytta Almaty qalasyndaǵy Dostyq pen Abaı dańǵyldarynyń qıylysynda ornalasqan kólik jýý ornynda anyqtaý qyzmetiniń qyzmetkerleri ІІB-ǵy áriptesterimen birge jazasyn óteýden jaltarǵany úshin Almaty oblysynyń Qarasaı soty 2015 jyldyń 4 mamyrynda izdeý salǵan sottalýshyny jumys ornynda ustady», - dep atap ótiledi habarlamada.
«Sońǵy kezeńine ótip jatqan «Alternatıvnık» jedel-aldyn alý sharasynyń negizgi maqsaty - quqyq buzýshylyqtardyń aldyn alyp, aýmaqtyq anyqtaý qyzmetiniń esebinde turǵan sottalýshylardyń qaıta qylmys jasaýyna jol bermeý.
Úsh táýliktiń ishinde 24 myńnan astam sottalýshyny qamtyǵan shara barysynda jazany óteý talaptary men tártibiniń 500-ge jýyq buzýshylyǵy anyqtalǵan. Olar boıynsha sotqa probatsııalyq baqylaýdy uzartýǵa 69 materıal, jazany bas bostandyǵynan aıyrýǵa aýystyrý, keıinge shegerý, shartty túrde sottaýdy boldyrmaýǵa 160 materıal jiberildi», - dep qosyp ótti respýblıkalyq penıtentsıarlyq júıe vedomstvosynan.
