Іzdeýde bolǵan 9-synyp oqýshysy bes kún boıy ne istegenin aıtty
ALMATY. QazAqparat - Almatyda úıine oralmaǵan 15 jastaǵy Araı Jumataevanyń 5 kúni boıy qaıda túnep, ne istegenin týystary aıtyp berdi, dep habarlaıdy QazAqparat tilshisi.
Bostandyq aýdandyq ІІB qyzmetkerleri Araılym Jumataeva men tátesi Aınur Nyǵmanovadan túngi 12 shamasyna deıin suraq-jaýap alǵan.
Oqýshy qyz 5 kún boıy qolyndaǵy azyn-aýlaq aqshasyna tamaq satyp alyp jegenin aıtqan. Azyǵy taýsylǵanda krannan sý ishken.
«Araılym birinshi kúni qaıtar ýaqyt tym kesh bolǵanyn ańǵaryp, kelýge qoryqqan. Kelesi kúni taǵy da ursady degen qaýippen qorqyp, bettemegen. Birinshi kúni «Esentaı mol» saýda úıin aralaǵan. Túnge taman ony kúzetshiler qýyp shyǵady. Tipti vıdeojazba da saqtalǵan. Qýyp shyqqan kúni ol syrttaǵy oryndyqta bir túnin ótkizgen. Kelesi kúni Mega ortalyǵyna baryp, kitap oqyǵan. Eki saýda ortalyǵynyń arasynda jaıaý júrgen. Arasynda úıge kelip, syrttan baqylap otyrǵan. Mashınasynan shyqqan ákesin kórgen. Bir túni kórshi podezde túnegen», - dedi Aınur Nyǵmanova.
Tátesiniń aıtýynsha, qyz baladan qandaı da bir psıhologııalyq kúızelister baıqalmaıdy.
«Qyzymda qazir psıhologııalyq problema joq. Múmkin bul óskeleń jas kezindegi qalypty jaǵdaı shyǵar. Ózi istegenine uıalyp, betin basady. Kúledi, keshirim suraıdy. Uryspadym. Erkeletip, qushaqtadyq», - dedi ol.
Aıta ketý kerek, 5 kún boıy izdeýde bolǵan 9-synyp oqýshysy Araılym Jumataeva keshe Almatydaǵy saýda úıleriniń birinen tabyldy.
