Іzdeý jarııalanǵan Abylaı Ǵabjálelov ustaldy
ALMATY. QazAqparat - Іzdeý jarııalanǵan «Araltuz» AQ-nyń dırektorlar keńesiniń eks-tóraǵasy Abylaı Ǵabjálelov ustaldy, dep habarlaıdy QazAqparat tilshisi Memlekettik kirister komıtetiniń baspasóz qyzmetine silteme jasaı otyryp.
«Buǵan deıin kásipker Abylaı Ǵabjálelovke izdeý jarııalanǵan. Ol osydan eki kún buryn ustaldy. Qazir ol tergeý ızolıatoryna qamaldy», - dedi komıtet baspasóz qyzmetindegiler.
Atalǵan komıtettiń habarlaýynsha, kúdiktige qatysty qylmystyq is kómir tasymalynda bıýdjetke salyq tólemeýine baılanysty qozǵalǵan. Naqtyraq aıtqanda, 2011-2012 jyldary zań buzylǵany anyqtaldy.
Eske sala keteıik, Abylaı Ǵabjálelovke QR QK 222-baby 3-bóligi (salyq tóleýden jaltarý), 193-baptyń 3-tarmaǵy (qylmystyq jolmen aqsha aýdarý) boıynsha qylmystyq is qozǵalyp, Almaty qalasy memlekettik kirister departamenti tarapynan izdeý jarııalanǵan.
