Іzdeý salynǵan 17 jasar qostanaılyq Óskemennen tabyldy
4 qazan kúni Qostanaı aýdanynyń polıtsııa bólimine jergilikti turǵyn habarlasyp, qyzynyń joǵalyp ketkenin aıtady. 2003 jyly týǵan Arýzat Qurmanǵalıeva 30 qyrkúıek kúni úıinen shyǵyp ketken.
«Boıjetken ata-anasynyń qońyraýyna jaýap bermeı, baılanysqa shyqpaǵan. Polıtsııa qyzmetkerleri Arýzattyń ornalasqan jerin anyqtaýǵa kirisedi, izdeý jumystaryna eriktiler de qosyldy. Bastapqy aqparat boıynsha boıjetken Shyǵys Qazaqstan oblysynyń Óskemen qalasyna jolǵa shyqqan. Osy maqsatta jedel ýákilder ShQO-ǵa issaparǵa bardy», delingen polıtsııanyń baspasóz qyzmeti taratqan aqparatta.
Polıtseıler Óskemen qalasyndaǵy áriptesterimen birigip izdestirý jumystaryn uıymdastyrady. Іzdeý Óskemen qalasy polıtsııa basqarmasynyń barlyq jeke quramy jumyldyryldy. Sonyń arqasynda kámeletke tolmaǵan qyzdyń mekenjaıy anyqtaldy. Osylaısha, iz-tússz joǵalǵan Arýzat Qurmanǵalıeva 14 qazan kúni ata-anasyna tapsyryldy
«Arýzattyń aıtýynsha, ol «Perishte balalary» qaıyrymdylyq qorynyń quramynda múgedek balalarǵa qarajat jınaý úshin Óskemen qalasyna barǵan. Krımınaldyq polıtsııa bólimshesiniń jedel ýákili Medet Samatov izdeý ýaqytynyń kóp bóligi jolǵa jumsalǵanyn aıtty. Jedel ýákilder jolda úsh táýlikke jýyq ýaqyt ótkizgen.
Qazirgi ýaqytta polıtsııa qyzmetkerleri jasóspirimdi profılaktıkalyq esepke qoıý máselesin qarastyrýda. Budan bólek, Arýzattyń ata-anasy QR ÁQBtK-niń 127-baby boıynsha mindetterin oryndamaǵany úshin ákimshilik jaýapkershilikke tartylatyn bolady», - deıdi polıtsııanyń baspasóz qyzmetindegiler.
Bıyl polıtsııa qyzmetkerleri eriktilerdiń qatysýymen 50-den astam jasóspirimdi izdestirgen.
