Іzdestirýde júrgen ózbekstandyq eki azamatty ekstradıtsııalaý máselesi qarastyrylyp jatyr
ASTANA. 4 sáýir. QazAqparat - Іzdestirýde júrgen ózbekstandyq eki azamatty ekstradıtsııalaý máselesi sheshilip jatyr.
Bul týraly búgin Astanada ótken brıfıngte Іshki ister mınıstrliginiń resmı ókil Nurdildá Oraz málim etti.
Almatynyń krımınaldyq polıtsııa qyzmetkerleri Qaraqalpaqstannyń quqyq qorǵaý organdary alaıaqtyq jasaǵany úshin izdestirip júrgen Ózbekstan Respýblıkasynyń 29 jastaǵy azamatyn ustady. Sonymen qatar, Almaty qalasynda Reseı Federatsııasynyń Samara oblysy aýmaǵynda esirtki zattaryn zańsyz satqany úshin memleketaralyq izdestirýde júrgen Ózbekstan Respýblıkasynyń 33 jastaǵy azamaty qolǵa tústi.
«Ustalǵandardyń ekeýi de Almaty qalasy ІІD-niń Ýaqytsha ustaý abaqtysyna qamaýǵa alyndy. Olardy ekstradıtsııalaý máselesi sheshilýde»,-dedi resmı ókil.
