«Іzdestirý» operatsııasynyń nátıjesi shyǵaryldy - ІІM Krımınaldyq polıtsııa komıteti
ASTANA. Qyrkúıektiń 23-i. QazAqparat - Іzdestirýde júrgen qylmyskerlerdi anyqtaý jáne ustaý maqsatynda aǵymdaǵy jylǵy qyrkúıektiń 13-18-i aralyǵynda respýblıka aýmaǵynda «Іzdestirý» keń kólemdi operatsııasy ótkizildi.
Operatsııany ótkizý barysynda ishki ister organdarynyń, ishki áskerlerdiń, ákimshilik, jol, kóshi-qon jáne basqa da qyzmetterdiń kúshteri men quraldary tartyldy, dep habarlaıdy Qazaqstan Respýblıkasy ІІM Krımınaldyq polıtsııa komıtetiniń baspasóz qyzmeti.
Qabyldanǵan sharalarmen izdeýde bolǵan 387, ótken jyly izdeý jarııalanǵan 39, onyń ishinde kisi óltirgeni úshin 8; densaýlyqqa aýyr jaraqat keltirgeni úshin 13, qaraqshylyq shabýyl jasaǵany úshin 11 jáne kisi tonaǵan 36 adam ustaldy.
Aǵymdaǵy jylǵy qyrkúıektiń 17-sinde Astana qalasynda Krımınaldyq polıtsııa komıteti men Almaty qalasynyń ІІD qyzmetkerleri Ózbekstan Respýblıkasynda týǵan 33 jastaǵy azamatty ustady. Ol 2000 jyldyń qarashasynda Almaty qalasynyń Ójet kentinde 35 jastaǵy jigitke keýde tusynan pyshaq salyp, óltirgeni úshin 9 jyldan astam izdestirýde bolǵan.
Operatsııa barysynda Qaraǵandy oblysynyń ІІD qyzmetkerleri oblystyń 25 jastaǵy turǵynyn ustady. Ol 2010 jylǵy mamyrda Qarqaraly qalasynyń turǵyndaryna qarýly qaraqshylyq shabýyl jasap, 2,5 mln astam teńgeni ıelengen.
Soltústik Qazaqstan oblysynda 60 jastaǵy qylmysker ustaldy, ol 2010 jylǵy mamyrda M.Jumabaev aýdanynyń Vozvyshenka aýylynda sýyq qarý qoldanyp, 25 jastaǵy qyz balanyń densaýlyǵyna aýyr zııan keltirgen.
Aǵymdaǵy jylǵy qyrkúıektiń 14-inde Qostanaı oblysynda jábirlenýshiniń arqa tusynan pyshaq jaraqatyn salyp, densaýlyǵyna qasaqana aýyr zııan keltirgeni úshin izdeýde bolǵan 45 jastaǵy aıyptalýshy ustaldy.
Pavlodar oblysynyń ІІD qyzmetkerleri osy oblystyń 30 jastaǵy turǵynyn ustady, ol 2010 jylǵy sáýirde Pavlodar qalasynda 40 jastaǵy er adamǵa qaraqshylyq shabýyl jasap, onyń aqshasyn ıemdengen.
Sondaı-aq Ońtústik Qazaqstan oblysynyń ІІD-de 20 jastaǵy izdeýde júrgen azamat ustaldy, ol 2010 jyly qańtarda Túrkistan qalasynda bir top adamdarmen birge tapansha men pyshaq qoldanýmen qala turǵynynyń otbasyna qaraqshylyq shabýyl jasaǵan, olardyń 1 mln astam teńge bolatyn múlkin áketken.
Aǵymdaǵy jylǵy qyrkúıektiń 18-inde jedel-izdestirý is-sharalary keshenin ótkizý barysynda Almaty qalasynyń ІІD KPB qyzmetkerleri Almaty oblysynyń Eńbekshiqazaq aýdany Aşysaı aýlynda Soltústik Qazaqstan oblysynyń 37-jastaǵy turǵynyn ustady. Ol Qazaqstan Respýblıkasy Áskerı sotynyń tóraǵasyn óltirý úshin qastandyq jasady dep kúdik keltirilýde.
Qazaqstan aýmaǵynda TMD elderiniń quqyq qorǵaý organdary izdestirý jarııalaǵan 32 qylmysker, onyń ishinde Reseı - 17, Ózbekstan men Ýkraına - 5, Ázirbaıjan jáne Túrikmenstan úshin 1 qylmyskerden ustaldy.
«Іzdestirý» operatsııasy nátıjesinde Mańǵystaý oblysynyń ІІD qyzmetkerleri Aqtaý qalasynda Reseı azamatynyń jalǵan qujatymen jasyrynyp júrgen Ýkraınanyń Romnyı qalasynyń 35 jastaǵy turǵynyn ustady. Ol UQT quramynda qasaqana kisi óltirgeni úshin memleketaralyq izdestirýde bolǵan. Sondaı-aq izdeýdegi qylmysker Ýkraına men Reseı Federatsııasynyń aýmaǵynda tapsyryspen kisi óltirý qylmystaryna kúdik keltirilýde. Ol uzaq ýaqyt Sheshen Respýblıkasynda turǵan. Aǵymdaǵy jyldyń maýsym aıynda Qazaqstan Respýblıkasynyń aýmaǵyna kelgen.
Sondaı-aq Pavlodar oblysynyń aýmaǵynda Reseı Federatsııasynyń 25 jastaǵy eki azamaty ustaldy, olar Tomsk qalasynda áıel adamdy óltirgeni úshin izdestirýde bolǵan.
Soltústik Qazaqstan oblysynyń ІІD qyzmetkerleri Reseı Federatsııasynyń Karashaı-Sherkes Respýblıkasynda izdeýde bolǵan 26-jastaǵy qylmyskerdi ustady, ol 2007 jylǵy jeltoqsanda bir top adammen atys qarýyn qoldanyp Petropavl qalasynda JShS-ǵa qaraqshylyq shabýyl jasaǵan jáne eki «Kamaz» avtomashınasyn ıelengen.
