Іz-túzsiz joǵalyp ketken 42 jastaǵy aqmolalyqtyń denesi tabyldy
KÓKShETAÝ. QazAqparat - Aqmola oblysynyń Shortandy aýdanynda iz-túzsiz joǵalǵan 42 jastaǵy turǵynynyń denesi tabyldy, dep habarlaıdy QazAqparat tilshisi.
Polıtsııa Qylmystyq kodekstiń 105-baby boıynsha is qozǵady.
Bul týraly volonterler uıymynyń áleýmettik jelidegi paraqshasynda jarııalandy. Onda eriktiler er adamnyń týystary men jaqyndaryna kóńil aıtqan.
Joǵalǵan er adamnyń denesi tabylǵanyn Aqmola oblystyq polıtsııa departamentiniń baspasóz qyzmeti rastady.
Ondaǵylar er adamnyń ólimine baılanysty Qylmystyq kodekstiń 105-baby boıynsha is qozǵalyp, oqıǵanyń máni-jaıy anyqtalyp jatqanyn, osy jaǵdaıǵa qatysty tolyq aqparat keıin beriletinin aıtyp túsindirdi.
Aıta ketsek, er adam bıylǵy qazannyń 6-da saǵat 14:00 shamasynda úıinen velosıpedpen shyǵyp, habar-osharsyz ketken.
Kelesi kúni 7 qazanda Shortandy aýdandyq polıtsııa bólimine onyń 42 jastaǵy áıeli habarlasyp, iz-túzsiz joǵalǵan kúıeýi Saǵyndyq Qasanaıuly Bımúrzenovty tabýǵa kómek suraǵan bolatyn.
