Іz-túzsiz joǵalǵan qostanaılyqtyń máıiti tabyldy
QOSTANAI. QazAqparat - 27 qańtar kúni joǵalyp ketken Lısakov qalasynyń turǵyny Igor Vasılenkonyń máıiti tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Igor Vasılenko 27 qańtar kúni Lısakov qalasyndaǵy úıinen shyǵyp ketip, oralmaǵan. Týystarynyń aıtýynsha, ol Gornıatskıı selosyndaǵy dosyna barmaq bolǵan kórinedi.
«7 aqpan kúni Igor Vasılenkonyń máıiti tabyldy. «Qasaqana kisi óltirý» baby boıynsha qylmys quramynyń belgileri anyqtalyp, is sotqa deıingi tergeý bastaldy», - delindi vedomstvonyń habarlamasynda.
Aıta keteıik, Igor Vasılenkony Qostanaı jáne Rýdnyı qalalarynyń tóńireginen izdeý úshin eriktiler toby qurylǵan bolatyn.
