Іz-túzsiz joǵalǵan kanadalyq 30 jyldan keıin úıine oralǵan
ASTANA. QazAqparat - Kanadalyq Sent-Ketrıns qalasynyń bala kezinen amnezııadan zardap shekken turǵyny 30 jyldan keıin óziniń kim ekenin eske túsirgen.
Nıagara polıtsııasynyń aqparatynsha, kanadalyq Sent-Ketrıns qalasynyń turǵyny 30 jyl ózge esimmen jáne týystarynyń bar ekenin bilmeı júrgen.
Shyn esimi Edgar Latıýlıp bolatyn er adam 1986 jyly avtobýspen Kıtchener qalasynan Nıagara sarqyramasyna barǵanyn aıtty. Sarqyramaǵa jetken Latıýlıp Sent-Katarınske attanǵan. Jolda qulap, basy jaraqattanyp, barlyǵyn umytyp qalǵan.
51 jastaǵy er adam áleýmettik qyzmetke baryp esimi Edgar Latıýlıp ekenin aıtqanda, áleýmettik qyzmetker kórshiles qalada adam joǵalyp, tabylmaǵanyn anyqtady.
Latıýlıptiń jeke isi Nıagara polıtsııa bólimine joldandy.
Bılik Ottavada turatyn onyń anasymen baılanysyp, jaǵymdy jańalyqty jetkizdi.
