Іz-túzsiz joǵalǵan er adam turaqtaǵy kóliginen óli kúıinde tabyldy
QARAǴANDY. QazAqparat - Qaraǵandyda turaqta turǵan kólik ishinen birneshe kún boıy izdeýde bolǵan er adamnyń máıiti tabyldy, dep habarlaıdy «QazAqparat» HAA tilshisi.
63 jastaǵy er adamnyń týystary oǵan izdeý salyp, polıtsııanyń kómegine júgingen.
Eki kúnnen keıin polıtseıler ony «Grandstor» saýda úıiniń aldyndaǵy turaqtan óz kóliginiń ishinen óli kúıinde tapty.
«Іz-túzsiz joǵalǵan 63 jastaǵy er adamnyń denesin polıtsııa qyzmetkerleri jedel-izdestirý sharalary barysynda tapty. «Mersedes» markaly avtomobıl saýda úıiniń turaǵynan anyqtaldy. Іshinde eshqandaı zorlyq-zombylyq belgileri joq 63 jastaǵy er adamnyń máıiti boldy», - dep habarlady Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarov.
Qudııarovtyń aıtýynsha, er adamnyń óliminiń sebebi anyqtalyp jatyr. Saraptama taǵaıyndaldy.
Oqıǵa kýágerleriniń sózinshe, ol bireýdi kútip otyrǵan sekildi qoldaryn basyna qoıyp, rýldiń aldynda otyrǵan.
