Іz-túzsiz joǵalǵan áıeldiń múrdesin tabý úshin kóldi qurǵatyp jatyr
ASTANA. QazAqparat - Germanııada osydan 25 jyl buryn iz-túzsiz joǵalǵan áıelge baılanysty qylmystyq is boıynsha Osterholts aýdany aýmaǵyndaǵy Tıtenze kólin (Tómengi Saksonııa federaldyq jeri) qurǵatý jumystary bastaldy, dep habarlaıdy NDR telearnasy.
Polıtsııa kól tabanynan 1993 jyly joǵalǵan jas áıeldiń múrdesi jáne onyń ólimine sebep bolǵan qarý tabylýy múmkin dep esepteıdi.
Tergeý nusqasy boıynsha ony kúdikti qylmys jasalardan eki jyl buryn ákesinen alǵan tapanshamen atýy yqtımal.
Tergeýshiler iz-túzsiz joǵalǵan áıeldi onymen birge turǵan 58 jastaǵy er adam óltirýi múmkin dep esepteıdi.
Jergilikti polıtsııanyń baǵalaýynsha, kóldi qurǵatý nebári 5 kúnge sozylady. Shamamen 35 mıllıon lıtr sý kórshiles Vezer kóline aǵyzylady. Polıtsııanyń izdeý jumystary aıaqtalǵannan keıin sýdy sorǵymen ornyna qaıta aıdaıdy.
Telearnanyń 1994 jylǵy aqparatyna qaraǵanda, bir jyldan keıin balyqshylar osy kólden joǵalǵan áıeldiń neke júzigin, tis pastasyn, kosmetıkasyn tapqan.
