Іz-túzsiz joǵalǵan Arqalyq turǵyny bir aptadan soń tabyldy

QOSTANAI. QazAqparat - Arqalyq polıtseıleri iz-tússiz joǵalǵan er adamdy tapty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Osy jyldyń 23 qańtarynda Arqalyq qalasynyń turǵyny polıtsııaǵa júginip, týysy Ermek Baıqasovtyń joǵalyp ketkenin habarlaǵan.

1974 jyly týǵan Baıqasov Ermek Saǵyndyquly Arqalyq qalasyndaǵy úıinen shyǵyp ketken.

Arqalyq qalasy polıtsııa basqarmasynyń qyzmetkerleri ony bir apta boıy izdedi.

31 qańtarda krımınaldyq polıtsııa bóliminiń qyzmetkeri Abzal Ábdirahmanov qalalyq polıtsııa basqarmasy bastyǵynyń orynbasary Nurbol Marqabaıulymen birge 5 shaǵynaýdanda iz-túzsiz joǵalǵan adamdy tapty.

«Belgili bolǵandaı, er adam jumys izdep Aqmola oblysyna ketken, alaıda bul týraly eshkimge eskertpegen. Ózimen birge uıaly telefonyn almaǵan» delingen polıtsııa habarlamasynda.

Ermek Baıqasovtyń týystary qyraǵylyq tanytqan tártip saqshylaryna alǵys aıtty.