Іz-túzsiz joǵalǵan aqmolalyq Nur-Sultanda aýrýhanadan tabyldy
KÓKShETAÝ. QazAqparat – Aqmola oblysynda joǵalǵan 40 jastaǵy áıel Nur-Sultan qalasyndaǵy aýrýhanadan tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, Ereımentaý aýdandyq PB-ne jergilikti turǵyn, 40 jastaǵy áıeldiń týystary habarlasyp kómek suraǵan. Týystarynyń sózinshe, áıel maýsymnyń 15-de úıinen shyǵyp ketip, qaıtyp oralmaǵan.
«Jedel-izdestirý kezinde tártip saqshylary iz-túzsiz joǵalǵan áıeldiń elordaǵy medıtsınalyq mekemelerdiń birinde bolǵanyn anyqtady», - deıdi vedomstvodan.
Sonymen qatar, polıtsııa qyzmetkerleri 12-shi maýsym kúni joǵalǵan Stepnogor qalasynyń turǵyny 27 jastaǵy áıeldiń júrgen jerin anyqtady. Áıel úıinen ketkennen beri jaqyndarymen baılanysqa shyqpaǵan.
«Anyqtalǵandaı, áıel Qaraǵandy qalasynda bolǵan, oǵan qatysty qylmys nemese qandaı da bir quqyq buzýshylyq jasalǵan joq. Onymen profılaktıkalyq áńgime ótkizildi», - dep tolyqtyrdy vedomstvodan.
Osyǵan baılanysty tártip saqshylary óńir turǵyndaryna uzaq ýaqytqa basqa jaqqa ketken kezde jaqyndaryna eskertýdi suraıdy.
