Іz-túzsiz ketken úsh jasóspirim Almaty oblysynan tabyldy
TALDYQORǴAN. QazAqparat - Taldyqorǵanda polıtsııa kámeletke tolmaǵan 2 jasóspirimdi izdestirip jatqan bolatyn, dep habarlaıdy QazAqparat.
Oblystyq Іshki ister departamentinen málim etkenindeı, eki 14 jastaǵy jásóspirim men 17 jastaǵy bozbala ata-analarynyń úıinen qashyp ketken.
«2003 jyly týǵan qashqyndardyń biri Almatydaǵy bazarlardyń birinen tabyldy. Ol ózi qatarlas balalarmen birge eki apta boıy qańǵyryp júrgen. Polıtsııadaǵylar onyń úıinen buryn da qashqanyn jáne osyndaı áreketke 6 ret barǵanyn aıtty»,-dep habarlady tártip saqshylary.
7 kún buryn joǵalyp ketken ekinshi balany polıtseıler oblys ortalyǵyndaǵy kompıýter klýbtarynyń birinen ustaǵan. Málim bolǵanyndaı, jasóspirim kompıýter oıyndaryna qumar bolyp shyqty jáne úıinen ketkeli beri dostarymen kompıýter oınap júrgen.
2003 jyly týǵan oqýshy qyz da buryn úıinen qashqan. Ol 13 kún boıy qalada qańǵyp júrip, polıtsııa qyzmetkerleri arnaıy uıymdastyrǵan reıd barysynda ustalǵan.
Qashqyndardy, úsheýin de ıývenaldy polıtsııa qyzmetkerleri tekserdi. Onyń nátıjesi boıynsha balalardyń ata-analaryna qatysty ákimshilik baǵyttaǵy yqpal etý sharalary qoldanylady.
