Іz-túzsiz ketken maqtaaraldyq jasóspirim Almatydan tabyldy
MAQTAARAL. QazAqparat - Túrkistan oblysy polıtseıleri kámelet jasyna tolmaǵan jasóspirimdi Almaty qalasynda qydyryp júrgen jerinen tapty, dep habarlaıdy QazAqparat oblystyq polıtsııa departamentine silteme jasap.
Maqtaaral aýdandyq polıtsııa bólimine jergilikti áıel aryzdanady. Ol kámelet jasyna tolmaǵan 17 jasar uly naǵashylarynyń aýylyna ketip, 14 aqpanda saǵat 12:00 shamasynda týysynyń úıinen shyǵyp ketip, qaıta oralmaǵanyn jetkizgen. Atalǵan jaıt Maqtaaral aýdandyq polıtsııa bóliminde tirkeldi.
«Aýdandyq tártip saqshylary «bala joǵaldy» dep habar alysymen jedel-izdestirý sharalaryn júrgizdi. Kórgen-bilgenderden surastyryp, jasóspirimniń baratyn jerlerin muqııat tekserdi. Uıaly telefon arqyly joǵalǵan jasóspirimniń júrgen jerin bilýge kúsh saldy. Nátıjesinde 17 jasar jasóspirimniń Almaty qalasynda júrgeni anyqtalyp, Maqtaaral APB KPB jedel ýákili Aıat Kósherbaı tez arada jolǵa shyqty. Osylaısha, jasóspirim Almaty qalasynan tabylyp, din-aman ákesiniń qolyna tapsyryldy» delingen habarlamada.
Tergeý barysynda jasóspirim birneshe aı aldyn naǵashysynyń aýylynda jumys istep, aqpan aıynyń 14-i kúni aılyǵyn alýǵa barǵany anyqtaldy. Sodan qolyna aqshasyn alǵan jasóspirim Shymkent qalasyna jol tartyp, sonda 2 kún, odan ary Almaty qalasyna baryp, onda 3 kún qydyryp, jaldamaly páterlerde qonyp júrgen.
Túrkistan oblysy polıtseıleri azamattarǵa ótpeli kezeńdegi ul-qyzdaryńyzben jaqyn qarym-qatynas ornatyp, dos bolyńyzdar dep keńes beredi.
