Іz-tússiz joǵalyp ketken qostanaılyq jastar Almatydan tabyldy
QOSTANAI. QazAqparat - 20 qańtardan beri izdeý salynǵan qostanaılyqtar aman-esen tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Belgili bolǵandaı, Qostanaı qalasynyń turǵyny Mádına Baızaqova da 20 qańtar kúni iz-tússiz joǵalyp ketken.
«Polıtseıler joǵalyp ketken Mádına Baızaqova men Eldos Dúısenovtiń mekenjaıyn anyqtady. Ol ekeýi Almaty qalasynda júrgen. Qazirgi ýaqytta Mádına Qostanaı qalasyna keldi. Al Eldos Dúısenov Almatyda. Olardyń jaǵdaılary jaqsy», - delingen vedomstvonyń habarlamasynda.
Buǵan deıin habarlaǵanymyzdaı, Qostanaı qalasy ІІB «Ońtústik» bóliminiń polıtseıleri iz-tússiz joǵalyp ketken Eldos Dúısenovke izdeý jarııalady.
Keıin onyń anasy áleýmettik jeliler arqyly balasyna beınejazba joldady.
