Іz-tússiz joǵalyp ketken kompıýterlik klýb ıesiniń jansyz denesi tabyldy - ІІM
ASTANA. Qańtardyń 27-si. QazAqparat /Arman Asqarov/ - Almaty qalasynda iz-tússiz joǵalyp ketken kompıýterlik klýb ıesiniń jansyz denesi tabyldy.
Bul týraly búgingi brıfıng barysynda QR ІІM Til saıasaty jáne aqparat departamentiniń bastyǵy Qýanyshbek Jumanov aıtty, dep habarlaıdy QazAqparat.
Shuǵyl derek boıynsha qańtardyń 20-sy kúni Almaty qalasyndaǵy «Megabıt» kompıýterlik klýbynyń ıesi iz-tússiz joǵalyp ketken. Sondaı-aq onyń avtomashınasy urlanǵan. «Osy oqıǵa boıynsha quqyq qorǵaýshylar shuǵyl aldyn alý is-sharalaryn ótkizdi. Osynyń nátıjesinde klýb ıesiniń avtomashınasy Taraz qalasynyń mańaıynan tabyldy. Qamaýǵa alynǵan Ońtústik Qazaqstan oblysynyń eki turǵyny paıdakúnemdik nıetpen kisi óltirgenin moıyndap otyr», - deıdi Q.Jumanov.
