Іz-tússiz joǵalǵan qostanaılyq janyp jatqan qamystyń arasynan tabyldy
QOSTANAI. QazAqparat - Rýdnyıda №2 saıajaı qaýymdastyǵy órtenip, bir áıel qaza boldy, dep habarlaıdy QazAqparat tilshisi oblystyq Tótenshe jaǵdaılar departametiniń baspasóz qyzmetine silteme jasap.
Rýdnyıda Tobyl ózeniniń jaǵasyndaǵy qamys órtendi. Bul aýmaq №2 saıajaı qaýymdastyǵyna tıesili.
«Órt saǵat 18:40-ta tolyǵymen sóndirildi. Saǵat 18:21-de oqıǵa ornynan 1974 jyly týǵan áıeldiń múrdesi tabyldy. Áıel 15 mamyr kúni iz-tússiz joǵalyp ketken bolatyn. Buǵan qosa ol psıhıatrdyń tirkeýinde turǵan. Qazirgi ýaqytta áıeldiń denesi sot-medıtsınalyq saraptamasyna jiberildi», - delingen TJD baspasóz habarlamasynda.
Órt aýqymy 2,5 gektardy qurady. Aldyn ala boljam boıynsha, órt otty abaısyz qoldanýdan shyqqan. Naqty sebepteri anyqtalyp jatyr.
