Іz-tússiz ketken qostanaılyqtyń denesi tabyldy
QOSTANAI. QazAqparat - 2019 jyldyń 25 naýryzynan bastap izdeý salynǵan Qostanaı qalasynyń turǵyny Talǵat Eseevtiń denesi tabyldy, dep habarlaıdy QazAqparat.
Aqparatty Qostanaı oblysy polıtsııa departamentiniń baspasóz qyzmeti taratty.
«13 sáýir kúni Qostanaı qalasyndaǵy páterlerdiń birinde jertóle qabatynan Eseevtiń múrdesi tabyldy. Onyń denesinde uryp-soǵý belgileri joq. Kisi óliminiń sebepteri anyqtalyp jatyr. Saraptamalar taǵaıyndaldy», - dedi vedomstvonyń baspasóz hatshysy Irına Bejenar.
Qazir osy fakt boıynsha sotqa deıingi tergep-tekserý amaldary júrgizilýde.
Eske salsaq, Qostanaı oblysynyń polıtsııa departamenti eki er adamǵa izdeý salǵan bolatyn.
