IYU Sýdandaǵy jaǵdaı boıynsha shuǵyl otyrys ótkizedi

ASTANA. QazAqparat - Islam yntymaqtastyǵy uıymyna (IYU) múshe elderdiń 3 mamyrda ótetin shuǵyl otyrysynda Sýdandaǵy keıingi oqıǵalar talqylanady. Bul týraly QazAqparat uıymnyń baspasóz qyzmetine silteme jasap habarlaıdy.

Jıyn Saýd Arabııasynyń Djıdda qalasynda ótedi. IYU Atqarý komıteti deńgeıindegi kezdesý Saýd Arabııasynyń bastamasymen shaqyryldy.
IYU Bas hatshysy Hıseın Ibrahım Taha atap ótkendeı, Atqarý komıtetiniń shuǵyl otyrysy múshe memleketterdiń Sýdandaǵy oqıǵalarǵa yntasyn jáne osy eldegi qaýipsizdik pen turaqtylyqty qalpyna keltirýge degen qamqorlyǵyn kórsetedi.

Bas hatshy Sýdandaǵy atysty toqtatýǵa jáne Sýdan halqynyń qaýipsizdigi men memleketti saqtaý úshin dıalogty paıdalanýǵa shaqyrdy.