IYU sammıtiniń basty saıası qujaty - Astana deklaratsııasy qabyldanady

ASTANA. QazAqparat - Islam yntymaqtastyq uıymy sammıtiniń basty saıası qujaty Astana deklaratsııasy qabyldanady. Bul týraly búgin  elorda tórinde bastalǵan Islam yntymaqtastyq uıymynyń ǵylym jáne tehnologııalar jónindegi birinshi sammıtinde Qazaqstan Prezıdenti Nursultan Nazarbaev aıtty, dep habarlaıdy QazAqparat.

«Sammıttiń basty saıası qujaty - Astana deklaratsııasynyń qabyldanýy búgingi jumys sessııasynyń sońyna josparlanǵan. Al ǵylym jáne tehnologııalardy damytý salasyndaǵy Islam yntymaqtastyq uıymynyń 2026 jylǵa deıingi baǵdarlamasy atty qorytyndy qujat sammıttiń ekinshi kúni ıaǵnı, erteń qabyldanatyn bolady. Bul baǵdarlamanyń jobasy keshe ótken mınıstrler otyrysynda qabyldanyp, sammıttiń  qaýlysyna usynyldy», - dedi sammıttiń jalpy otyrysyn qorytyndylaǵan Qazaqstan Prezıdenti.

Qazirgi ýaqytta sammıtke qatysýshylar jarty saǵattyq úziliske shyqty. Odan keıin ótetin sammıttiń birinshi jumys sessııasy QR Syrtqy ister mınıstri Qaırat Ábdirahmanovtyń moderatorlyǵymen «21 ǵasyrdaǵy qoǵam ómirine ǵylym yqpalynyń artýy» taqyrybynda ótetin bolady.