IYU-nyń kelesi sammıti 2020 jyly Tashkentte ótedi

ASTANA. QazAqparat - Islam yntymaqtastyq uıymynyń 2-shi sammıti 2020 jyly Tashkentte ótedi. Bul týraly búgin IYU sammıti aıasynda ótken baspasóz máslıhatynda Qazaqstannyń IYU janyndaǵy turaqty ókili Baqyt Batyrshaev málim etti, dep habarlaıdy QazAqparat.

«Resmı Tashkenttiń IYU-nyń kelesi sammıtin Ózbekstanda ótkizý usynysyna qatysty aıtarym, bul úlken jetistik dep sanaýǵa bolady. Óıtkeni, bir úlken bastamany ekinshi eldiń qoldaýy óte durys qadam. 2020 jyly Tashkentte ótkizý usynysyna jalpy qoldaý bar», - dedi ol.

Batyrshaevtyń sózine qaraǵanda, ol Astana deklaratsııasynda anyq jazylǵan.

«Endigi rette onyń kúntártibine, mazmunyna, sonymen qatar jıynda qandaı máseleler kóteriletindigi qatysty protsedýralyq jumystar júrgiziledi. Ekinshi sammıtke deıin biraz aýqymdy jumys atqarylady. Jalpy, Astana deklaratsııasynda bul másele anyqtalǵan», - dedi Qazaqstannyń IYU janyndaǵy turaqty ókili.