IYU-nyń І sammıtin ótkizý kezinde Astananyń birqatar kósheleri jabylady
ASTANA. QazAqparat - 10-11 qyrkúıekte Astanada alǵash ret Ǵylym jáne tehnologııalar boıynsha Islam yntymaqtastyq uıymynyń sammıti ótedi, dep habarlaıdy elorda ákimdiginiń baspasóz qyzmeti.
Resmı delegatsııanyń qaýipsizdigin qamtamasyz etý maqsatynda elordanyń birqatar kólik magıstralinde qozǵalysqa ishinara shekteý qoıylady.
Qabanbaı batyr dańǵyly, Máńgilik el kóshesi, Qonaev kóshesi, Dostyq kóshesi, Turan dańǵyly, Saryarqa dańǵyly, Abaı dańǵyly, Kenesary kóshesi men Táýelsizdik dańǵyly, Uly dala kóshesinde kólik qozǵalysyna ýaqytsha shekteý qoıylady.
Qalalyq kóshelerdiń júktemesin eskere kele jáne qala joldarynda keptelis jaǵdaılaryna tap bolmas úshin qala bıligi elorda turǵyndary men qonaqtaryna júrý marshrýttaryn aldyn ala josparlap alýǵa keńes beredi.
Esterińizge sala keteıik, IYU sammıtin uıymdastyrý Elbasy Nursultan Nazarbaevtyń bastamasy. Memleket basshysy buny 2016 jyldyń sáýir aıynda Ystanbulda ótken IYU XIII Sammıtinde aıtqan bolatyn.
Astanalyq IYU sammıtine barlyq memleketter-IYU músheleri, atap aıtqanda 35 el, baqylaýshy-memleketter jáne ózge de birqatar halyqaralyq jáne óńirlik uıymdardyń ókilderi shaqyryldy.
10 qyrkúıekte sammıttiń qatysýshylary Astana EKSPO-2017 kórmesiniń jabylý saltanatyna qatysady dep kútilýde.
Aıta keteıik, Qazaqstan 1995 jyldan bastap IYU-na múshelik etedi. Qazaqstan 2011-2012 jj. IYU SІMK-niń 38 sessııasyna tóraǵalyq etti. Onyń barysynda shtab-páteri Astanada ornalasatyn azyq-túliktik qaýipsizdigi boıynsha Islam uıymyn qurýǵa usynys bildirildi.
