IYU-nyń bas hatshysy qyzmetine tuńǵysh ret Saýd Arabııasynyń azamaty keldi
ASTANA. 3 qańtar. QazAqparat - 2014 jyldyń qańtar aıynyń 1-i kúni Islam yntymaqtastyq uıymyn (IYU) 9 jyl basqarǵan professor Ekmeleddın Yqsanoǵly demalysqa ketip, onyń ornyna Lııad Madanı keldi.
Ol musylmandardyń maqsat-múddesi úshin qyzmet etetinin málimdedi.
«Bul orynǵa kim otyrsa da musylman elderiniń basshylarymen til tabysyp, qandaı da bir máselede olardyń ortaq kelisimge kelýine uıytqy bolýy tıis»,- degen ol IYU-na múshe 65 eldiń arasyndaǵy yntymaqtastyqty tereńdetýge kúsh salatynyn jetkizdi.
Lııad Madanı - osynaý mártebeli orynǵa tuńǵysh ret jaıǵasqan Saýd Arabııasynyń azamaty. Sarapshylar onyń atalmysh uıymnyń yqpalyn arttyrýǵa talpynatynyn, dástúrli ıslam qundylyqtaryn baǵalaıtynyn tilge tıek etti. 2005 jyly ol Saýd Arabııasynyń qajylyq isteri jónindegi mınıstri, 2005-2009 jyldary osy eldiń mádenıet jáne aqparat mınıstri bolyp qyzmet atqarsa, 2012 jyldyń naýryz aıynyń 10-nan bastap, Mádına mańyndaǵy «Bilim ekonomıkasynyń qalasy» dep atalatyn dırektorlar keńesiniń tóraǵasy ári korol Abdolla bın Ábdiázizdiń turǵyn úı qurylysyn damytý jónindegi qorynyń prezıdenti bolyp qyzmet atqardy, dep habarlaıdy muslim.kz.
