IYU Qasıetti Ramazan aıynda Somalıde qurǵaqshylyqtan zardap shegýshilerge qol ushyn berýge shaqyrady

Bul týraly búgin QR Syrtqy ister mınıstrliginiń resmı ókili Asqar Abdrahmanov málim etti.

Afrıkalyq múıiste ornalasqan elderde sońǵy 60 jyldyń ishindegi eń aýyr qurǵaqshylyq aımaqtaǵy kúrdeli gýmanıtalyq daǵdarystyń sebebi boldy. Tabıǵı-klımattyq qubylys maldyń jappaı qyrylýyna jáne dándi daqyldardyń shyqpaı qalýyna sebep boldy. Osylaısha, jergilikti halyq úshin azyq-túliktiń negizgi kózderi tolyqtaı derlik joıylǵan.

BUU baǵalaýy boıynsha, Somalıdegi, Efıopııadaǵy, Kenııadaǵy, Erıtreıadaǵy jáne Djıbýtıdegi halyqty qosa alǵanda 11 mln. astam adam jedel gýmanıtarlyq járdemdi qajet etedi. Atalǵan elderdiń turǵyndaryna, kóbinese áıelder, balalar men egde jastaǵy adamdarǵa azyq-túliktiń jáne dári-dármekterdiń joqtyǵynan ólim qateri tónip tur.

Aımaqtyń eń zardap shekken elderi qataryna Somalıdi jatqyzýǵa bolady. Onda jaǵymsyz faktorlardyń qosylǵan áseri, atap atıqanda, áskerı qaqtyǵystar, qurǵaqshylyq, gıperınflıatsııa, vırýstyq aýrýlar azyq-túlikke baılanysty apatty jaǵdaıdyń paıda bolýyna ákeldi. Gýmanıtarlyq uıymdardyń málimeti boıynsha, elde 3 mln. adam, ıaǵnı halyqtyń tórtten bir bóligi ashyǵýda. Sonymen qatar asqa jarymaǵandyqtyń kóp jyldyq deńgeıi eleýli asyp ketken. Ol stıhııalyq túrde, eń birinshiden Kenııaǵa jer aýdarylǵandar men bosqyndardyń 1,5 mln-ǵa jetiýine sebep bolyp otyr.

Oryn alyp jatqan qasirettiń aıtqysyz sıpatyn eskerip, halyqaralyq arenada zardap shekkenderge kómek kórsetý úshin kúsh-jigerdi biriktirý júrgizilýde. Somalı astanasy - Mogadıshoda Gýmanıtarlyq járdem keńsesi bar jalǵyz halyqaralyq uıym bolyp tabylatyn Islam yntymaqtastyǵy uıymy da shette qalmady.

Aǵymdaǵy jyldyń 28-29 shildesinde dereý shaqyrylǵan Ystambul konferentsııasy barysynda Somalıge jáne ıslam áleminiń basqa da muqtaj elderine járdem kórsetý úshin IYU Gýmanıtarlyq koalıtsııasyn qurý týraly sheshim qabyldandy.

Kezdesýge qatysýshylar aldaǵy úsh aıǵa 29 mln. dollar shamasyndaǵy IYU dereý gýmanıtarlyq járdeminiń bıýdjetin anyqtaǵan. Qazirgi ýaqytta Somalıge Saýd Arabııasy - 60 mln. dollar, Kýáıt - 10 mln. dollar jáne Sýdan - 100 myń dollar shamasyndaǵy qarjylyq kómek bóletindigin málimdedi.

Qazaqstan Respýblıkasy IYU-nyń belsendi múshesi jáne Uıymnyń Syrtqy ister mınıstrleri keńesi Tóraǵasynyń mindetterin iske asyratyn memleket retinde aldaǵy ýaqytta Koalıtsııa bıýdjetine óz úlesin engizýge nıetti.

Ystambul kezdesýiniń qorytyndy deklaratsııasynda IYU-ǵa múshe elder barlyq musylmandar úshin qasıetti Ramazan aıynyń kezeńinde Somalı jáne óńirdegi basqa afrıkalyq muqtaj elderge múmkindiginshe járdem kórsetý jóninde úndeý jasaǵan edi.