IYU, EO, AEL jáne AO dinı tózimdilikke jáne beıbitshilikke úndedi
BRıÝSSELЬ. 21 qyrkúıek. QazAqparat - Eýropalyq odaqtyń Syrtqy ister jáne qaýipsizdik saıasaty jónindegi joǵarǵy ókili, Islam yntymaqtastyǵy uıymynyń, Arab elderiniń lıgasy men Afrıka odaǵynyń bas hatshylary barlyq taraptardy dinı tózimdilikke úndegen birlesken málimdeme taratty.
Bul týraly QazAqparat tilshisine EO joǵarǵy ókiliniń baspasóz qyzmetinen málim etip, birlesken málimdemeniń mátinin usyndy. QazAqparat atalǵan qujattyń mátinin jarııalaıdy.
***
Biz barlyq dinderge úlken qurmetke ortaqtasamyz. Biz dinı bostandyq pen tózimdiliktiń mańyzdylyǵy irgeli ekendigi týraly senimimizde ortaqpyz. Biz óshpendilik pen zorlyq-zombylyqqa azǵyratyn dinı óshpendilikti nasıhattaýdyń kez kelgen túrin aıyptaımyz. Pikir bildirý bostandyǵyn tolyǵymen moıyndaı otyryp, qandaı dinge jatpasyn, barlyq paıǵambarlardy qurmetteýdiń mańyzdylyǵyna senimdimiz.
Musylmandar týraly fılmniń shyǵarylýymen, onyń Internette ornalastyrylýymen jáne ózge de osy syndy is-áreketter ıslamdy qorlaıdy. Olar, dinder arańdatýdyń, maıdandasý men ekstremızmniń kózi retinde qoldanylmaýy tıis degen adamdar men qaýymdardyń pikirlerimen uqsas.
Biz óshpendilik pen tózimsizdik habarlarynyń kez kelgenin aıyptaımyz.
Biz, az toptaǵy adamdardyń tártibi anaǵurlym úlken qaýymdardyń pozıtsııasy bola almaıtynyn bilemiz, biraq olar keltirýi múmkin saldar edáýir bolýy múmkin. Sońǵy oqıǵalar halyqtarymyz, qaýymdarymyz ben memleketterimiz arasynda biz uzaq jyldar boıy qalyptastyrǵan senim men qurmet qatynastaryn buzbaǵandyǵyna kepildik berýimiz tıis.
Biz adamdardyń ólimine alyp kelgen, jaqynda dıplomatııalyq mıssııalarǵa jasalǵan shabýyldy aıyptaımyz. Bizdiń qoǵamda zorlyq-zombylyqqa oryn bolmaýy tıis, al til tıgizetin pikirler ozbyrlyqty is-árekettermen qanaǵattandyrylmaıdy, sebebi ol, barlyǵymyzdy zardap shektiretin zulymdyq shıyrshyǵyn qurýy múmkin. Aqyl-oı qaharlyqtan ústem bolýy tıis. Sondyqtan búgin biz, ol qaı jerden shyqpasyn, ozbyrlyqty toqtatýǵa shaqyramyz. Biz beıbitshilik pen sabyrlyqqa shaqyramyz.
Biz qosymsha sharalardy qabyldaý jáne dinge tózimdilik pen jappaı qurmet kórsetýde halyqaralyq bitimge kelý, sonyń ishinde BUU-nyń adam quqyqtary jónindegi 16/18 qarary negizinde jumys isteý qajettigi týraly bekemdi ustanymdarymyzdy málimdeımiz. Sonymen qatar, barlyq kóshbasshylardy meıli olar saıası, zııaly nemese dinı bolsyn, dıalog pen ózaratúsinistikke qolǵabys etýge shaqyramyz. Jáne biz túrli óńirler men dinderde bizdi biriktiretin dúnıeler bizdi ajyratatyn dúnıelerden anaǵurlym joǵary ekendigin kórsetý úshin barlyq sharalardy qolǵa alýdy jalǵastyratyn bolamyz.
Tózimsizdik pen nadandyq qarańǵylyǵyna jalǵyz jaýap ózaratúsinistik, tózimdilik pen dıalog bolyp tabylady.
