«Iyǵymyzǵa ýaqyt artqan júk jeńil emes» - respýblıkalyq basylymdarǵa sholý

***

Keshe Qazaqstan Respýblıkasy Parlamenti palatalarynyń birlesken otyrysynda Memleket basshysy Nursultan Nazarbaev tórtinshi saılanymdaǵy Parlamenttiń tórtinshi sessııasyn ashyp, jınalǵandar aldynda sóz sóıledi. Osyǵan oraı «Egemen Qazaqstan» gazetiniń beısenbilik nómirinde «Iyǵymyzǵa ýaqyt artqan júk jeńil emes» degen taqyryppen kólemdi maqala basyldy. Basylymnyń jazýynsha, Prezıdent sondaı-aq 2011 jyly Qazaqstan Táýelsizdiktiń 20 jyldyq merekesin atap ótetinine, ony laıyqty qarsy alý - árbir qazaqstandyqtyń partıottyq paryzy ekendigine nazar aýdardy. «Mıllıondaǵan azamattardyń ózderiniń azamattyq belsendiligin kórsetýi, jańa ındýstrıaldyq Qazaqstannyń qurylysyna qatysýǵa umtylysy, ispen aınalysýy, elimizdiń damýynda óz ornyn tabýy mańyzdy. Taıaý ýaqytta jańa iri óndirister, joldar, áleýmettik nysandar iske qosylatyn bolady. Úkimet, jergilikti bılik organdary jumys isteýge yntaly adamdardyń barlyǵyn, ásirese jastardy, jumyspen qamtamasyz etýge, mamandyq alýlaryna kómektesýge umtylýlary tıis. Kishkene ister jaıly - árbir qala men aýyldy, árbir kóshe men aýlany abattandyrý týraly umytýǵa bolmaıdy. Árbir eldi meken taza, ádemi, jaqsy jóndelgen, ómir súrý, jumys isteý jáne demalý úshin qolaıly bolǵany jón. Elimizdiń mereıtoıyna ázirlik barysyna mıllıondaǵan azamattardyń naq osy turǵydaǵy patrıottyq qatysýy kórinis alýy tıis. Qazaqstan Táýelsizdigimizdiń úshinshi onjyldyǵyna laıyqty kirýi úshin biz áli de kóp isterdi atqarýymyz kerek!», dedi Memleket basshysy.

Sonymen qatar Elbasy N.Nazarbaev keshe «Atameken» Qazaqstan kartasy» etnomemorıaldyq kesheninde bolyp, ondaǵy Konstıtýtsııanyń 15 jyldyǵyna oraı ashylǵan jańa dıogramalyq pavılondy aralap kórdi. «Egemen Qazaqstan» gazetiniń jazýynsha, Prezıdent etnokeshendi aralaý barysynda el tarıhynyń eleýli kezeńderine arnalǵan ekspozıtsııalardy tamashalap, elordanyń sol jaq jaǵalaýynyń maketimen tanysqan. Osydan keıin Astana qalasynyń 11-shi synyp oqýshylarymen jáne «Atameken» patrıottar klýbynyń múshelerimen kezdesip, olardyń saýaldaryna jaýap bergen. Maqalanyń tolyq nusqasyn basylymnyń búgingi sanynan egjeı-tegjeıli oqı alasyzdar.

Keshe keń baıtaq Otanymyzdyń barlyq mektepterinde alǵashqy qońyraý soǵylyp, qońyr ún úlken-kishiniń júrek qylyn terbedi. Bul árbir ul men qyzdyń esinde máńgi qalatyn qýanyshy bólek, shattyǵy shalqar sát. Al olardyń ata-analarynyń da urpaǵynyń tarydaı bolyp kirip, taýdaı bolyp shyǵatyn altyn uıa mektebine degen iltıpattary men izetin alǵashqy qońyraý soǵylǵan sáttegi tebirenisterinen aıqyn ańǵarýǵa bolady. Bıyl elimizdegi 7525 bilim uıasynyń tabaldyryǵyn 2 488 978 oqýshy attasa, onyń 239 458-i birinshi synypqa barypty. Osyndaı aıtýly kúndegi ataýly kórinisterden jazylǵan toptama maqalalar men sýretterdi «Egemen Qazaqstan» gazeti oqyrmandar nazaryna usynyp otyr.

***

«Qyrǵyz memlekettiligine áli de qaýip tónip tur!» - dep, qazaq sarapshylary óz alańdaýshylyǵyn bildiredi. Biraq qazirshe reseılik saıasattanýshylardyń úni basym. Bul da bolsa, aqparattyq ekspansııanyń ózindik «jemisi» emes pe?! Kúni keshe ǵana «Qyrǵyzstandy bólip-jaryp, kórshiles elderge úlestirý kerek» dep bastama kótergen V.Jırınovskııdiń málimdemesine búgin saıasattanýshy A.Knıazevtiń «Qyrǵyz SSR-i terrıtorııalyq turǵydan oılap tabylǵan qubylys edi» degen sózi qosyldy. Ortalyq Azııa máseleleri boıynsha úlken sarapshy sanalatyn Knıazev bul málimdemesin «Ferǵana.rý» portalyna bergen suhbatynda aıtqan. Qyrǵyzstan úshin osynshama qıyn-qystaý zamanda Reseı sarapshylarynyń tarapynan el tutastyǵy men bolashaǵyna shák keltiretin málimdemelerdiń jasalýy qanshalyqty oryndy? Jáne bul málimdemelerge para-par keletin sózder nege baýyrlas qazaq, ózbek sarapshylary tarapynan aıtylmaıdy?», dep jazady «Aıqyn» gazeti «Bas maqsat - qyrǵyz elin saqtap qalý» degen taqyryppen basylǵan maqalasynda. Jazylǵan jaıttyń baıybyna barǵyńyz kelse, basylymnyń búgingi sanyn nazaryńyzdan jiberip almańyz.

Erteń fýtboldan 2012 jyly ótetin Eýropa chempıonatynyń irikteý týrnıri bastalady. Qart qurlyqtyń 51 komandasy toǵyz topqa bólinip, ózara sheberlik baıqasady. Solardyń arasynan top jeńimpazdary men ekinshi oryn alǵan komandalar arasynda eń kóp upaıǵa ıelik etkeni «EÝRO-2012» jarysyna qatysady. Ekinshi oryndy ıelengen segiz qurama qalǵan tórt joldamany ózara sarapqa salady. Olardyń qatary jarys qojaıyndary retinde Polsha jáne Ýkraınamen tolyǵady. Sóıtip, baq juldyzdary janǵan 16 memlekettiń teńbil dop sheberleri 2012 jyldyń 9 maýsym men 1 shilde aralǵynda ótetin dop dodasynda bas qosady. Al qyrkúıektiń 3-i kúni Qazaqstan quramasy óziniń tusaýkeser kezdesýin «Astana-arena» stadıonynda ótkizedi. Qarsylasy - Túrkııa quramasy. Osyǵan oraı «Aıqyn» gazetiniń «Topjarǵan» aıdarynda «Túrikterdi toqtata alamyz ba?» degen taqyryppen maqala jaryq kórdi.

***

«Sonymen tarıhta «bir partııaly Parlament» atymen qalatyn tórtinshi shaqyrylymnyń tórtinshi sessııasy da óz jumysyna kiristi. Buǵan deıingi sáýegeı saıasatshylardyń «áne tarqaıdy, mine tarqaıdy» degen batpandaı boljamdary da shań qapqanǵa uqsaıdy. Esesine, eki aı boıy kanıkýlda aýyl aralap qaıtqan halyq qalaýlylarynyń kóńili de jaıdary, jumysqa jigeri de erekshe kórinedi», dep jazǵan «Alash aınasy» gazeti aldaǵy sessııa jumysyna qatysty Elbasy júktegen mindetter jaıly depýtattar pikirin oqyrman nazaryna usynyp otyr. Depýattar pikirinen habardar bolǵyńyz kelse, basylymnyń búgingi sanyndaǵy «Depýtattardyń jumysqa degen jigeri erekshe» degen maqalaǵa nazar salyńyz.

«Alash aınasy» gazetiniń jazýynsha, keshe Memleket basshysy Nursultan Nazarbaev Premer-Mınıstr Kárim Másimovti, Ulttyq bank tóraǵasy Grıgorıı Marchenkony jáne «Samuryq-Qazyna» ulttyq ál-aýqat qorynyń tóraǵasy Qaırat Kelimbetovti qabyldady. Kezdesý barysynda Elbasy aǵymdaǵy jylǵy tamyzdyń 31-inde Qarjy naryǵyn jáne qarjy uıymdaryn retteý jáne qadaǵalaý agenttiginiń basqarmasy «BTA Bank» AQ-ny qaıta qurylymdaý josparyn bekitkeni habardar etildi. Prezıdent barlyǵyna jasalǵan jumys úshin alǵys aıtty jáne memlekettiń durys strategııasy nátıjesinde eldiń bank júıesi turaqtanǵanyn jáne qazir qalypty rejimde jumys jasap jatqanyn atap ótti. Jýrnalısterge arnalǵan brıfıngide Ulttyq bank tóraǵasy Grıgorıı Marchenko budan buryn aǵymdaǵy jylǵy sáýirdiń 1-inde «Alıansbank» boryshtaryn, al aǵymdaǵy jylǵy shildeniń 1-inde - «Temirbankti» qaıta qurylymdaý aıaqtalǵanyn jetkizdi.

«Semeıdegi Tuńǵysh Prezıdenttiń ıntellektýaldyq mektebi Qytaıdyń qurylys materıaldarymen jabdyqtalyp, sapasyz qondyrǵylarmen jaraqtandyrylǵan. Tolyqtaı emes, árıne. Kelisimshartqa otyrǵan kompanııa aqsha únemdemek bolǵandyqtan ba, bilim ordasynyń sportzalyn, ashanasyn, soǵan qosa akt zaly men birqatar synyptardyń edenderine arzanqol dúnıelerdi qoldanyp jibergen», dep jazady «Alash aınasy» gazeti. Maqalanyń tolyq nusqasyn basylymda jaryq kórgen «Saparbaev nege ashýlandy?» degen maqaladan oqı alasyzdar.

«Keshe Memleket basshysy Nursultan Nazarbaev Reseı Federatsııasynyń Prezıdenti Dmıtrıı Medvedevpen telefon arqyly sóılesti», dep jazady «Kazahstanskaıa pravda» gazeti. Memleket basshylary Qazaqstan-Reseı qarym-qatynastaryn damytýdyń ózekti máselelerin, sondaı-aq taıaý ýaqytta «Ornyqty damý jáne joǵary tehnologııa salasyndaǵy yntymaqtastyq» negizgi taqyrybyna aınalatyn Óskemendegi Qazaqstan men Reseı VII óńiraralyq yntymaqtastyǵy forýmyn ótkizý jaıyn talqylady.

Keshe elordada EQYU-nyń is basyndaǵy tóraǵasy, QR Memlekettik hatshysy - Syrtqy ister mınıstri Qanat Saýdabaev Astanada jeltoqsannyń 1-2-si aralyǵynda ótetin EQYU sammıtine qatysýshylardyń qaýipsizdigin qamtamasyz etý máseleleri boıynsha jumys tobynyń birinshi keńesin ótkizdi. Osy jaıtqa keńinen toqtalǵan «Lıter» gazetiniń jazýynsha, alqaly jıyn barysynda Q.Saýdabaev «Sammıtti sátti ótkizýdiń mańyzdy faktory memleket basshylarynyń jáne sammıtke qatysýshylardyń qaýipsizdigi bolyp tabylady. Sondyqtan biz jumys tobynyń birinshi keńesin qaýipsizdik máselelerine arnap otyrmyz. Ony Memleket basshysynyń sheshimimen Prezıdent kúzeti qyzmetiniń bastyǵy, general Muhtar Aıýbaev basqarady» dedi.