IX qysqy Azııa oıyndarynyń fakeli men medaldary tanystyryldy
ASTANA. KAZINFORM – 2025 jyly Harbın qalasynda ótetin IX qysqy Azııa oıyndarynyń fakeli jáne medaldary, sondaı-aq ánurany resmı túrde belgili boldy.
Sınhýa agenttiginiń habarlaýynsha, qysqy Azııa oıyndary alaýynyń fakeli taqyryby – «Serpin», bul qysqy Azııa oıyndary ómirsheńdik pen qushtarlyqqa toly degen maǵynany bildiredi. Alaýdyń jalpy uzyndyǵy shamamen 735 mm, ústińgi dıametri shamamen 115 mm.
Alaýdyń pishini gúldegen sıren gúli sııaqty, qytaı qyzyl, kúlgin, muzdy aq jáne t.b. tústerdi paıdalanyp, Heılýntszıan jáne qabyldaýshy qala Harbınniń qar-muz mádenı erekshelikterin sıpattaıdy.
Qysqy Azııa oıyndarynyń medal taqyryby – «Jarys rýhy». Medaldyń aldyńǵy jaǵynda jarys jolynyń ıilgen pishini jáne IX qysqy Azııa oıyndarynyń emblemasy beınelengen.
Medaldyń artqy jaǵynda ıAbýlı qar shańǵy aımaǵynyń taýlary men ormandary Úlken jáne Kishi Hıngan taýlarynyń jer bederimen biriktirilip, Harbın «Kún araly» saıahat aımaǵynyń «Kún qaqpasy» keskini beınelengen.
IX qysqy Azııa oıyndarynyń ánurany «Harbın qary» dep atalady. Ánniń sózi men mýzykasy «muz ben qardyń armany bir, al Azııanyń júregi bir» taqyrybymen tyǵyz baılanysty, Azııa elderi men aımaqtary halqynyń birlik pen súıispenshilikke, beıbit damýǵa jáne adamzattyń ortaq bolashaǵyn birlesip qurýǵa degen kózqarasyn bildiredi.
IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi.
Sportshylar 12 sport túri boıynsha 64 medal jıyntyǵyn sarapqa salady.
Buǵan deıin habarlaǵanymyzdaı, dúbirli doda tarıhta eń kóp el qatysqan qysqy Azıadanyń biri bolmaq. Qazirgi ýaqytta 34 el/aımaqtan 1500-ge jýyq sportshy ótinish berip úlgerdi.
