IX qysqy Azııa oıyndarynyń bastalýyna 100 kún qaldy

ASTANA. KAZINFORM – 2025 jyly Harbın qalasynda ótetin IX qysqy Azııa oıyndarynyń bastalýyna 100 kún qaldy.

IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi.

Sportshylar 12 sport túri boıynsha 64 medal jıyntyǵyn sarapqa salady.

Buǵan deıin habarlaǵanymyzdaı, dúbirli doda tarıhta eń kóp el qatysqan qysqy Azıadanyń biri bolmaq. Qazirgi ýaqytta 34 el/aımaqtan 1500-ge jýyq sportshy ótinish berip úlgerdi.

Qysqy Azııa oıyndaryn uıymdastyrý komıteti bas hatshysynyń orynbasary, Harbın qalalyq halyq úkimeti meriniń orynbasary Chjan Haıhýanyń aıtýynsha, Azııanyń tropıkalyq aımaǵynda ornalasqan elderdiń qysqy sportqa qyzyǵýshylyǵy artyp kele jatyr.

Ol Kambodja men Saýd Arabııasy qysqy Azııa oıyndaryna alǵash ret qatysqaly otyrǵanyn da jetkizdi.

Harbın qalasy qysqy Azııa oıyndaryn ekinshi márte ótkizgeli otyr. Buǵan deıin, ІІІ qysqy Azııa oıyndary 1996 jyly osy qalada ótip, 17 el/aımaqtan kelgen 458 sportshy synǵa túsken bolatyn. Qazaqstan quramasy sol jyly 14 altyn, 9 kúmis, 8 qola (barlyǵy 31) júldemen jalpy esepte jarys qojaıynynan keıingi 2-orynnan kóringen.

Aıta keterligi, Qysqy Azııa oıyndary ótetin jarys alańdary men arenalar, ıAbýlı taý shańǵysy kýrortyndaǵy temirjol ınfraqurylymyn jańartý jumystary aıaqtaldy. 

Sonymen qatar, UOK ókilderi Harbın qalasynda ótken qysqy Azııa oıyndaryna daıyndyq semınaryna qatysqan edi.