IX qysqy Azııa oıyndary Harbınde saltanatty túrde ashyldy
HARBIN. KAZINFORM –Qytaıdyń Harbın qalasynda ótip jatqan IX qysqy Azııa oıyndarynyń saltanatty ashylý sharasy jershilikti ýaqyt boıynsha 7 aqpan kúni saǵat 20:00-de resmı túrde bastaldy.
Saltanatty sharaǵa Qytaı Halyq Respýblıkasynyń tóraǵasy Sı Tszınpın, Qyrǵyzstan Prezıdenti Sadyr Japarov, Pákistan Prezıdenti Asıf Alı Zardarı, Taıland premer-mınıstri Phethongthan Chınavat, Koreıa Ulttyq assambleıa spıkeri Ý Von Sık, Halyqaralyq Olımpıada komıtetiniń (HOK) prezıdenti Tomas Bah jáne Azııa Olımpıadalyq keńesiniń (AOK) birinshi vıtse-prezıdenti Tımotı Folk ıAng-Tıng qatysty.
Sportshylardyń stadıonǵa kirý rásimi shamamen 50 mınýtqa sozylady. Qazaqstan delegatsııasy alańǵa 12-bolyp kirdi. Hokkeıshi Ádil Beketaev jáne short-trekshi Olga Tıhonova Qazaqstan quramasynyń týyn ustap shyqty.
Osydan keıin, Qysqy Azııa oıyndaryn uıymdastyrý komıteti bas hatshysynyń orynbasary, atqarýshy komıtet dırektorynyń orynbasary jáne Harbın qalalyq halyq úkimeti ákiminiń orynbasary Chjan Haıhýa men AOK birinshi vıtse-prezıdenti Tımotı Folk ıAng-Tıng sóz sóıledi. Qytaı tóraǵasy Sı Tszınpın ashylý saltanaty ashyq dep jarııalady.
Aıta keteıik, Qysqy Azıadaǵa Qazaqstannan 137 sportshy qatysady. Jarystar Harbın qalasynda jáne ıAbýlı taý shańǵy kýrortynda ótedi.
Sondaı-aq, dodaǵa Azııanyń 34 elinen/aımaqtarynan barlyǵy 1275 sportshy (755 er, 520 áıel) qatysyp, rekordtyq kórsetkishke jetti.