IX qysqy Azııa oıyndary alaýynyń estafetasy bastaldy
ASTANA. KAZINFORM – Qytaıdyń Harbın qalasynda ótetin IX qysqy Azııa oıyndary alaýynyń estafetasy bastaldy.
Sınhýa agenttiginiń jazýynsha, qysqy Azııada alaýyn jaǵý rásimi Harbın qalasynyń «Kún araly» ulttyq saıabaǵynda ótti.
Saltanatty sharada alaý estafetasy jáne «tsıfrlyq estafeta» resmı bastaldy dep jarııalandy.
Aıta keteıik, «tsıfrlyq estafetaǵa» álemniń barlyq elinen qatysýǵa bolady. Vıchat jelisi arqyly estafetaǵa qatysýshy elektrondy setıfıkat jáne arnaıy syılyq alýǵa mumkindigi bar.
IX qysqy Azııa oıyndary alaýynyń fakeli taqyryby – «Serpin», bul qysqy Azııa oıyndary ómirsheńdik pen qushtarlyqqa toly degen maǵynany bildiredi. Alaýdyń jalpy uzyndyǵy shamamen 735 mm, ústińgi dıametri shamamen 115 mm.
Eske salsaq, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi. Sportshylar 11 sport túri boıynsha 64 medal jıyntyǵyn sarapqa salady.
QR Týrızm jáne sport mınıstrliginiń habarlaýynsha, Qazaqstannan 139 sportshy el namysyn qorǵaıdy.
Osyǵan deıin qysqy Azııadanyń bıletteri resmı satylymǵa shyqqany týraly jazǵan edik.