IWAS 2019 oıyndary: Atyraýlyq tennısshiler 8 medal enshiledi
ATYRAÝ. QazAqparat - Birikken Arab Ámirliginiń Shardje qalasynda búkilálemdik IWAS 2019 oıyndary ótti. Imanalıeva Gúlnar bastaǵan ústel tennısinen Atyraý oblysynyń tórt sportshysy synǵa túsip, 2 altyn, 2 kúmis jáne 4 qola medal enshiledi, dep habarlaıdy QazAqparat tilshisi.
Juptyq saıysta Álı Mahulbekov almatylyq sportshymen birge chempıon atandy. Jekeleı absolıýttik saıysta da Álı barlyq qarsylastarynan basym bolyp, ekinshi altyn medaldi enshiledi.
Bereket Aqjigitov komandalyq saıysta Qostanaı men Pavlodar sportshylarymen birge kúmis júldege ıe boldy. Taǵy bir kúmisti Parazıada oıyndaryna qatysýshy Erlan Qazıev jekeleı saıysta jeńip aldy.
Juptyq saıysta Erlan Qazıev pen Kenges Kongıev qola medalǵa ıe boldy. Odan bólek jekeleı saıysta Álı Mahlýbekov pen Kenges Kongıev jáne Bereket Aqjigitov qola medalǵa ıe boldy.
Múgedek sportshylar arasynda ótetin álemdik oıyndar 2 jyl saıyn turaqty túrde uıymdastyrylyp keledi. Sońǵy ret 2017 jyly Portýgalııa elinde ótti.
Aıta ketelik, qazirgi tańda atyraýlyq tennısshiler múgedekter sportyq klýbynda daıyndalady.
