IV Qazaqstan-Reseı medıaforýmy kelesi jyly Astanada ótedi
ASTANA. KAZINFORM — Qazaqstan-Reseı medıaforýmynyń kelesi otyrysy Astanada uıymdastyrylady. Bul týraly Sankt-Peterbýrgte ótken III Qazaqstan-Reseı medıaforýmynyń jabylý rásiminde málim boldy.
Prezıdent teleradıokesheniniń dırektory Raýshan Qajybaeva forýmdy uıymdastyrǵan TASS ujymyna alǵys aıtyp, is-shara eki eldiń medıasalasy úshin mańyzdy kásibı alańǵa aınalǵanyn atap ótti.
Onyń aıtýynsha, mundaı kezdesýler jýrnalıster arasyndaǵy yntymaqtastyqty keńeıtip, jańa kásibı baılanystar ornatýǵa jáne qazirgi medıanyń aldynda turǵan ortaq syn-qaterlerdi birlesip talqylaýǵa múmkindik beredi.
— Mundaı alańdar ózara yntymaqtastyqty keńeıtip, jańa kásibı baılanystar ornatýǵa ári qazirgi BAQ aldynda turǵan ortaq máselelerdi birlesip talqylaýǵa jol ashady. Búgingi pikirtalas kásibı mamandar bir ústel basyna jınalǵanda senim men ózara túsinistikke negizdelgen áriptestik qalyptasatynyn taǵy bir márte dáleldedi, — dedi Raýshan Qajybaeva, — dedi Raýshan Qajybaeva.
Prezıdent teleradıokesheniniń dırektory Qazaqstan-Reseı medıaforýmy búginde ıgi dástúrge aınalǵanyn aıtty. Onyń sózinshe, kelesi jyldyń qyrkúıeginde bul kezdesý Astanada jalǵasady.
— Biz sizderdi IV Qazaqstan-Reseı medıaforýmynda qaıta qarsy alýǵa shyn júrekten qýanyshtymyz. Sol jerde mazmundy áńgimemizdi jalǵastyryp, yntymaqtastyǵymyzdyń jańa paraǵyn birge ashamyz dep senemin, — dedi ol.
Aıta keteıik, alǵashqy Qazaqstan-Reseı medıaforýmy 2024 jyldyń qarasha aıynda Máskeýde ótken bolatyn. Alǵashynda qazaqstandyq jáne reseılik jýrnalısterdiń kezdesýi dóńgelek ústel formatynda josparlanǵanymen, keıin qatysýshylar ony turaqty forým retinde ótkizýdi uıǵarǵan.
Eske salaıyq, osy alańdaǵy alǵashqy kezdesý 2024 jylǵy qarashada Máskeýde ótken bolatyn. Bastapqyda qazaqstandyq jáne reseılik jýrnalısterdiń basqosýy dóńgelek ústel formatynda uıymdastyrylmaq bolǵan. Alaıda talqylaý barysynda qatysýshylar onyń aýqymyn keńeıtip, medıaforým deńgeıinde ótkizýdi uıǵardy. Sondaı-aq bul is-sharany turaqty túrde uıymdastyrý jóninde kelisimge kelgen edi.
Ekinshi Qazaqstan–Reseı medıaforýmy 2025 jyly Almaty qalasynda ótti. Onda eki eldiń medıa salasyndaǵy yntymaqtastyǵyn nyǵaıtý, jalǵan aqparatpen kúres jáne aqparatty birlesip tekserý tetikterin damytý máseleleri talqylandy.
Al úshinshi Qazaqstan–Reseı medıaforýmy búgin Sankt-Peterbýrg qalasynda óz jumysyn qorytyndylady.
Forýmnyń jabylý rásiminde IV Qazaqstan–Reseı medıaforýmynyń 2027 jyly Astana qalasynda ótetini jarııalandy.
