Ivan Skobrevtiń qarsylasy jattyqtyrýshysynyń kinásinen altyn medaldan qaǵyldy
ASTANA. Aqpannyń 24-i. QazAqparat - 10000 metrlik qashyqtyqqa olımpıadalyq júgirýden úzdik nátıje kórsetken gollandııalyq konkımen júgirýshi Sven Kramer óziniń jattyqtyrýshysynyń kinásinen oıynnan shettetildi,
dep habarlaıdy QazAqparat Reuters saıtyna silteme jasap.
Reseılik Ivan Skobrevpen bir dodada saıysqa túsken Kramer burylystardyń birinde júgirý jolaǵyn shatastyryp aldy jáne buǵan kináli Kemkers boldy.
Kramerdiń aıtýynsha, márege deıin segiz aınalym qalǵanda jattyqtyrýshy oǵan onyń aınalmadan shyǵyp, ishki jolǵa ótýi kerektigin kórsetken. Sportshynyń sheshim qabyldaýǵa sekýndtyń onnan bir bóligindeı ǵana ýaqyty bolǵan jáne ol óz ustazyna qulaq asqan.
Konkımen júgirýshi bul 10000 metrlik doda onyń oń jambasyna keletin eń úzdik saıys bolǵandyqtan qatty ókinetinin jáne qany qaınaıtynyn aıtty.
Kemkers Kramerdiń oıynnan shettetilýindegi bar kináni óziniń moınyna aldy. Jattyqtyrýshy óziniń neden qara basqanyn aqtalýǵa sóz tappaı otyr. Sportshy buǵan deıin Olımpıada-2010 oıyndarynda 5000 metrlik qashyqtyqqa júgirýden altyn medaldy jeńip alǵan bolatyn.
